جوش و خروش پر ہے بہار چمن ہنوزپیتے ہیں نوجوان شراب کہن ہنوز
پاتا نہیں میں یار کو میل سخن ہنوزمعدوم ہے کمر کی طرح سے دہن ہنوز
برسوں سے رو رہا ہوں شب و روز متصلہنستے ہیں مدتوں سے مرے زخم تن ہنوز
رخسار یار پر نہیں آغاز خط ابھیدیکھا نہیں ان آنکھوں نے سورج گہن ہنوز
انجام کار کا نہیں آتا خیال کچھغربت میں بھولے بیٹھے ہیں یار وطن ہنوز
عالم ان ابرووں کی کجی کا جو ہے سو ہےبل کھا رہی ہے زلف شکن در شکن ہنوز
خلعت کی کیا امید رکھیں آسماں سے ہماس نے تو داب رکھا ہے اپنا کفن ہنوز
عالم حجاب یار کا تا حال ہے وہیخلوت نشیں ہے روشنیٔ انجمن ہنوز
اپنے صفائے سینہ کا حیران کار ہےدیکھا نہیں ہے آئنے نے وہ بدن ہنوز
ہر چند باغ دہر میں مدت سے ہوں مقیمآتشؔ نظر پڑا نہ وہ سیب ذقن ہنوز
— حیدر علی آتش
Josh-o-kharosh par hai bahar-e-chaman hanoozPeete hain naujawan sharab-e-kuhan hanooz
Pata nahin main yaar ko mail-e-sukhan hanoozMa'doom hai kamar ki tarah se dahan hanooz
Barson se ro raha hoon shab-o-roz muttasilHanste hain muddaton se mere zakhm-e-tan hanooz
Rukhsar-e-yar par nahin aaghaz-e-khat abhiDekha nahin un aankhon ne suraj-gihan hanooz
Anjam-e-kar ka nahin aata khayal kuchGhurbat mein bhoole baithe hain yar-e-watan hanooz
Alam un abruon ki kajji ka jo hai so haiBal kha rahi hai zulf shikan dar shikan hanooz
Khil'at ki kya ummeed rakhen aasman se humUs ne to daab rakha hai apna kafan hanooz
Alam-e-hijab-e-yar ka ta haal hai wahiKhalwat nasheen hai roshani-e-anjuman hanooz
Apne safa-e-seena ka hairan kar haiDekha nahin hai aaine ne woh badan hanooz
Harchand bagh-e-dahar mein muddat se hoon muqeemAtish nazar pada na woh saib-e-zaqan hanooz