پیری سے مرا نوع دگر حال ہوا ہےوہ قد جو الف سا تھا سو اب دال ہوا ہے
مقبول مرے قول سے قوال ہوا ہےصوفی کو غزل سن کے مری حال ہوا ہے
ان ہاتھوں کی دولت سے کڑا مال ہوا ہےان پاؤں سے آوازۂ خلخال ہوا ہے
المنۃ و للہ بہ صد منت ادھر سےانکار تھا جس شے کا اب اقبال ہوا ہے
جب قتل کیا ہے کسی عاشق کو تو واں سےجلاد کی تلوار کو رومال ہوا ہے
کس عقدے کو اس زلف کی کھولا نہیں ہم نےسلجھایا ہے الجھا ہوا جو بال ہوا ہے
کس سر کو نہیں یار کی رفتار کا سودامعراج وہ سمجھا ہے جو پامال ہوا ہے
بیمار رہا برسوں میں عیسیٰ نفسوں میںپوچھا نہ کسی نے کبھی کیا حال ہوا ہے
اے ابر کرم تو ہی سفید اس کو کرے گابرسوں میں سیہ نامۂ اعمال ہوا ہے
جو ناز کرے یار سزاوار ہے آتشؔخوش رو و خوش اسلوب و خوش اقبال ہوا ہے
— حیدر علی آتش
Peeri se mera nau'a digar haal hua haiWoh qad jo alif sa tha so ab daal hua hai
Maqbool mere qaul se qawwal hua haiSoofi ko ghazal sun ke meri haal hua hai
In haathon ki daulat se kada maal hua haiIn paaon se awaza-e-khalkhal hua hai
Alminnat-o-Lillah ba sad minnat idhar seInkaar tha jis shai ka ab iqbal hua hai
Jab qatl kiya hai kisi aashiq ko toh waan seJallaad ki talwar ko roomal hua hai
Kis uqde ko is zulf ki khola nahin hum neSuljhaaya hai uljha hua jo baal hua hai
Kis sar ko nahin yaar ki raftaar ka saudaMeraaj woh samjha hai jo pamaal hua hai
Bemaar raha barson mein Isaa nafasoon meinPoocha na kisi ne kabhi kya haal hua hai
Aye abr-e-karam tu hi safed is ko karegaBarson mein siyaha nama-e-aamaal hua hai
Jo naaz kare yaar sazaawaar hai AtishKhush ro-o-khush usloob-o-khush iqbal hua hai