کن لفظوں میں اتنی کڑوی اتنی کسیلی بات لکھوںشعر کی میں تہذیب بنا ہوں یا اپنے حالات لکھوں
غم نہیں لکھوں کیا میں غم کو جشن لکھوں کیا ماتم کوجو دیکھے ہیں میں نے جنازے کیا ان کو بارات لکھوں
کیسے لکھوں میں چاند کے قصے کیسے لکھوں میں پھول کی باتریت اڑائے گرم ہوا تو کیسے میں برسات لکھوں
کس کس کی آنکھوں میں دیکھے میں نے زہر بجھے خنجرخود سے بھی جو میں نے چھپائے کیسے وہ صدمات لکھوں
تخت کی خواہش لوٹ کی لالچ کمزوروں پر ظلم کا شوقلیکن ان کا فرمانا ہے میں ان کو جذبات لکھوں
قاتل بھی مقتول بھی دونوں نام خدا کا لیتے تھےکوئی خدا ہے تو وہ کہاں تھا میری کیا اوقات لکھوں
اپنی اپنی تاریکی کو لوگ اجالا کہتے ہیںتاریکی کے نام لکھوں تو قومیں فرقے ذات لکھوں
جانے یہ کیسا دور ہے جس میں جرأت بھی تو مشکل ہےدن ہو اگر تو اس کو لکھوں دن رات اگر ہو رات لکھوں
— جاوید اختر
Kin lafzon mein itni kadwi itni kaseeli baat likhunSher ki main tehzeeb bana hoon ya apne halaat likhun
Gham nahin likhun kya main gham ko jashn likhun kya matam koJo dekhe hain main ne janaze kya un ko baraat likhun
Kaise likhun main chand ke qisse kaise likhun main phool ki baatRet udaaye garam hawa to kaise main barsaat likhun
Kis kis ki aankhon mein dekhe main ne zehar bujhe khanjarKhud se bhi jo main ne chhupaye kaise woh sadmaat likhun
Takht ki khwahish loot ki lalach kamzoron par zulm ka shauqLekin un ka farmana hai main un ko jazbaat likhun
Qatil bhi maqtool bhi dono naam Khuda ka lete theKoi Khuda hai to woh kahan tha meri kya auqat likhun
Apni apni tareeki ko log ujala kehte hainTareeki ke naam likhun to qaumein firqe zaat likhun
Jaane yeh kaisa daur hai jis mein jur'at bhi to mushkil haiDin ho agar to is ko likhun din raat agar ho raat likhun