مجھ کو یقیں ہے سچ کہتی تھیں جو بھی امی کہتی تھیںجب میرے بچپن کے دن تھے چاند میں پریاں رہتی تھیں
ایک یہ دن جب اپنوں نے بھی ہم سے ناطہ توڑ لیاایک وہ دن جب پیڑ کی شاخیں بوجھ ہمارا سہتی تھیں
ایک یہ دن جب ساری سڑکیں روٹھی روٹھی لگتی ہیںایک وہ دن جب آؤ کھیلیں ساری گلیاں کہتی تھیں
ایک یہ دن جب جاگی راتیں دیواروں کو تکتی ہیںایک وہ دن جب شاموں کی بھی پلکیں بوجھل رہتی تھیں
ایک یہ دن جب ذہن میں ساری عیاری کی باتیں ہیںایک وہ دن جب دل میں بھولی بھالی باتیں رہتی تھیں
ایک یہ دن جب لاکھوں غم اور کال پڑا ہے آنسو کاایک وہ دن جب ایک ذرا سی بات پہ ندیاں بہتی تھیں
ایک یہ گھر جس گھر میں میرا ساز و ساماں رہتا ہےایک وہ گھر جس گھر میں میری بوڑھی نانی رہتی تھیں
— جاوید اختر
Mujh ko yaqeen hai sach kehti thiin jo bhi Ammi kehti thiinJab mere bachpan ke din the chaand mein pariyan rehti thiin
Ek yeh din jab apnon ne bhi hum se naata tod liyaEk woh din jab ped ki shaakhein bojh hamara sehti thiin
Ek yeh din jab saari sadkein roothi roothi lagti hainEk woh din jab aao khelein saari galiyan kehti thiin
Ek yeh din jab jaagi raatein deewaron ko takti hainEk woh din jab shaamon ki bhi palkein bojhal rehti thiin
Ek yeh din jab zehn mein saari ayyari ki baatein hainEk woh din jab dil mein bholi bhali baatein rehti thiin
Ek yeh din jab laakhon gham aur kaal pada hai aansoo kaEk woh din jab ek zara si baat pe nadiyan behti thiin
Ek yeh ghar jis ghar mein mera saaz-o-samaan rehta haiEk woh ghar jis ghar mein meri boodhi naani rehti thiin
