کسی کا حکم ہے ساری ہوائیںہمیشہ چلنے سے پہلے بتائیں
کہ ان کی سمت کیا ہےکدھر جا رہی ہیں
ہواؤں کو بتانا یہ بھی ہوگاچلیں گی اب تو کیا رفتار ہوگی
ہواؤں کو یہ اجازت نہیں ہےکہ آندھی کی اجازت اب نہیں ہے
ہماری ریت کی سب یہ فصیلیںیہ کاغذ کے محل جو بن رہے ہیں
حفاظت ان کی کرنا ہے ضروریاور آندھی ہے پرانی ان کی دشمن
یہ سبھی جنتے ہیںکسی کا حکم ہے دریا کی لہریں
ذرا یہ سرکشی کم کر لیں اپنی حد میں ٹھہریںابھرنا پھر بکھرنا اور بکھر کر پھر ابھرنا
غلط ہے یہ ان کا ہنگامہ کرنایہ سب ہے صرف وحشت کی علامت
بغاوت کی علامتبغاوت تو نہیں برداشت ہوگی
یہ وحشت تو نہیں برداشت ہوگیاگر لہروں کو ہے دریا میں رہنا
تو ان کو ہوگا اب چپ چاپ بہناکسی کا حکم ہے
اس گلستاں میں بس اک رنگ کے ہی پھول ہوں گےکچھ افسر ہوں گے جو یہ طے کریں گے
گلستاں کس طرح بننا ہے کل کایقیناً پھول تو یک رنگیں ہوں گے
مگر یہ رنگ ہوگا کتنا گہرا کتنا ہلکایہ افسر طے کریں گے
کسی کو یہ کوئی کیسے بتائےگلستاں میں کہیں بھی پھول یک رنگیں نہیں ہوتے
کبھی ہو ہی نہیں سکتےکہ ہر اک رنگ میں چھپ کر بہت سے رنگ رہتے ہیں
جنھوں نے باغ یک رنگیں بنانا چاہے تھےان کو ذرا دیکھو
کہ جب اک رنگ میں سو رنگ ظاہر ہو گئے ہیں توکتنے پریشاں ہیں کتنے تنگ رہتے ہیں
کسی کو یہ کوئی کیسے بتائےہوائیں اور لہریں کب کسی کا حکم سنتی ہیں
ہوائیں حاکموں کی مٹھیوں میں ہتھکڑی میںقید خانوں میں نہیں رکتیں
یہ لہریں روکی جاتی ہیںتو دریا کتنا بھی ہو پر سکوں بیتاب ہوتا ہے
اور اس بیتابی کا اگلا قدم سیلاب ہوتا ہے
— جاوید اختر
Kisi ka hukm hai saari hawaaeinHamesha chalne se pehle bataein
Ke un ki simt kya haiKidhar ja rahi hain
Hawaaon ko batana yeh bhi hogaChaleingi ab toh kya raftaar hogi
Hawaaon ko yeh ijazat nahin haiKe aandhi ki ijazat ab nahin hai
Hamari rait ki sab yeh faseeleinYeh kaghaz ke mahal jo ban rahe hain
Hifazat in ki karna hai zarooriAur aandhi hai purani in ki dushman
Yeh sabhi jaante hainKisi ka hukm hai darya ki lehrein
Zara yeh sarkashi kam kar lein apni hadd mein thehreinUbharna phir bikharna aur bikhar kar phir ubharna
Ghalat hai yeh un ka hangama karnaYeh sab hai sirf wahshat ki alamat
Baghawat ki alamatBaghawat toh nahin bardasht hogi
Yeh wahshat toh nahin bardasht hogiAgar lehron ko hai darya mein rahna
Toh un ko hoga ab chup chaap behnaKisi ka hukm hai
Is gulistan mein bas ek rang ke hi phool hongeKuch afsar honge jo yeh tay kareinge
Gulistan kis tarah banna hai kal kaYaqeenan phool toh yak rangeen honge
Magar yeh rang hoga kitna gehra kitna halkaYeh afsar tay kareinge
Kisi ko yeh koi kaise bataayeGulistan mein kahin bhi phool yak rangeen nahin hote
Kabhi ho hi nahin sakteKe har ek rang mein chhup kar bohat se rang rahte hain
Jinhon ne baagh yak rangeen banana chahe theUn ko zara dekho
Ke jab ek rang mein sau rang zaahir ho gaye hain tohKitne pareshan hain kitne tang rahte hain
Kisi ko yeh koi kaise bataayeHawaaein aur lehrein kab kisi ka hukm sunti hain
Hawaaein haakimon ki mutthiyon mein hathkadi meinQaid khanon mein nahin rukti hain
Yeh lehrein roki jaati hainToh darya kitna bhi ho pursukoon betaab hota hai
Aur is betaabi ka agla qadam sailaab hota hai