چھا گئی برسات کی پہلی گھٹا اب کیا کروںخوف تھا جس کا وہ آ پہنچی بلا اب کیا کروں
ہجر کو بہلا چلی تھی گرم موسم کی سمومناگہاں چلنے لگی ٹھنڈی ہوا اب کیا کروں
آنکھ اٹھی ہی تھی کہ ابر لالہ گوں کی چھاؤں میںدرد سے کہنے لگا کچھ جھٹپٹا اب کیا کروں
اشک ابھی تھمنے نہ پائے تھے کہ بیدردی کے ساتھبوندیوں سے بوستاں بجنے لگا اب کیا کروں
زخم اب بھرنے نہ پائے تھے کہ بادل چرخ پرآ گیا انگڑائیاں لیتا ہوا اب کیا کروں
آ چکی تھی نیند سی غم کو کہ موسم ناگہاںبحر و بر میں کروٹیں لینے لگا اب کیا کروں
چرخ کی بے رنگیوں سے سست تھی رفتار غمیک بیک ہر ذرہ گلشن بن گیا اب کیا کروں
قفل باب شوق تھیں ماحول کی خاموشیاںدفعتاً کافر پپیہا بول اٹھا اب کیا کروں
ہجر کا سینے میں کچھ کم ہو چلا تھا پیچ و تاببال بکھرانے لگی کالی گھٹا اب کیا کروں
آنکھ جھپکانے لگی تھی دل میں یاد لحن یادمور کی آنے لگی بن سے صدا اب کیا کروں
گھٹ چلا تھا غم کی رنگیں بدلیوں کی آڑ سےان کا چہرہ سامنے آنے لگا اب کیا کروں
آ رہی ہیں ابر سے ان کی صدائیں جوشؔ جوشؔاے خدا اب کیا کروں بار خدا اب کیا کروں
— جوش ملیح آبادی
Chha gayi barsat ki pahli ghata ab kya karunKhauf tha jis ka woh aa pahunchi bala ab kya karun
Hijr ko bahla chali thi garm mausam ki samumNagahan chalne lagi thandi hawa ab kya karun
Aankh uthi hi thi ke abr-e-lala-gun ki chhaon meinDard se kahne laga kuchh jhutputa ab kya karun
Ashk abhi thamne na paye the ke bedardi ke saathBoondiyon se bostan bajne laga ab kya karun
Zakhm ab bharne na paye the ke badal charkh parAa gaya angraiyan leta hua ab kya karun
Aa chuki thi neend si gham ko ke mausam nagahanBahr-o-bar mein karwaten lene laga ab kya karun
Charkh ki be-rangiyon se sust thi raftar-e-ghamYak-ba-yak har zarra gulshan ban gaya ab kya karun
Qufl-e-bab-e-shauq thin mahaul ki khamoshiyanDafatan kafir papiha bol utha ab kya karun
Hijr ka sine mein kuchh kam ho chala tha pech-o-tabBaal bikhrane lagi kali ghata ab kya karun
Aankh jhapkane lagi thi dil mein yaad-e-lahn-e-yaadMor ki aane lagi ban se sada ab kya karun
Ghat chala tha gham ki rangin badliyon ki aar seUn ka chehra samne aane laga ab kya karun
Aa rahi hain abr se un ki sadayen Josh JoshAe Khuda ab kya karun bar-e-Khuda ab kya karun