یہ کون اٹھا ہے شرماتارین کا جاگا نیند کا ماتا
نیند کا ماتا دھوم مچاتاانگڑائی لیتا بل کھاتا
یہ کون اٹھا ہے شرماتارخ پہ سرخی آنکھ میں جادو
بھینی بھینی بر میں خوشبوبانکی چتون سمٹے ابرو
نیچی نظریں بکھرے گیسویہ کون اٹھا ہے شرماتا
نیند کی لہریں گنگا جمنیجلد کے نیچے ہلکی ہلکی
آنچل ڈھلکا مسکی ساریہلکی مہندی دھندلی بندی
یہ کون اٹھا ہے شرماتاڈوبا ہوا رخ تابانی میں
انوار سحر پیشانی میںیا آب گہر طغیانی میں
یا چاند کا مکھڑا پانی میںیہ کون اٹھا ہے شرماتا
رخسار پہ موج رنگینیکچی چاندی سچی چینی
آنکھوں میں نقوش خود بینیمکھڑے پہ سحر کی شیرینی
یہ کون اٹھا ہے شرماتاآنکھ میں غلطاں عشرت گاہیں
نیند کی سانسیں جیسے آہیںبکھری زلفیں عریاں بانہیں
جان سے ماریں جس کو چاہیںیہ کون اٹھا ہے شرماتا
پھیلا پھیلا آنکھ میں کاجلالجھا الجھا زلف کا بادل
نازک گردن پھول سی ہیکلسرخ پپوٹے نیند سے بوجھل
یہ کون اٹھا ہے شرماتاکچھ جاگ رہی کچھ سوتی ہے
ہر موج صبا منہ دھوتی ہےنا شستہ رخ یا موتی ہے
انگڑائی سے جز بز ہوتی ہےیہ کون اٹھا ہے شرماتا
چہرہ پھیکا نیند کے مارےپھیکے پن میں شہد کے دھارے
جو بھی دیکھے جان کو وارےدھرتی ماتا بوجھ سہارے
یہ کون اٹھا ہے شرماتاہلچل میں دل کی بستی ہے
طوفان جنوں میں ہستی ہےآنکھ میں شب کی مستی ہے
اور مستی دل کو ڈستی ہےیہ کون اٹھا ہے شرماتا
— جوش ملیح آبادی
Yeh kaun utha hai sharmataRain ka jaga neend ka mata
Neend ka mata dhoom machataAngrai leta bal khata
Yeh kaun utha hai sharmataRukh pe surkhi aankh mein jadoo
Bhini bhini bar mein khushbuBanki chitvan simte abru
Nichi nazren bikhre gesuYeh kaun utha hai sharmata
Neend ki lahren Ganga JamniJild ke niche halki halki
Aanchal dhalka muski sariHalki mehndi dhundli bandi
Yeh kaun utha hai sharmataDooba hua rukh tabani mein
Anwar-e-sahar peshani meinYa aab-e-gauhar tughyani mein
Ya chand ka mukhra pani meinYeh kaun utha hai sharmata
Rukhsar pe mauj-e-ranginiKachchi chandi sachchi chini
Aankhon mein nuqush-e-khud-biniMukhre pe sahar ki shirini
Yeh kaun utha hai sharmataAankh mein ghaltan ishrat-gahen
Neend ki sansen jaise aahenBikhri zulfen uryan bahen
Jaan se maren jis ko chahenYeh kaun utha hai sharmata
Phaila phaila aankh mein kajalUljha uljha zulf ka badal
Nazuk gardan phool si haikalSurkh papote neend se bojhal
Yeh kaun utha hai sharmataKuchh jag rahi kuchh soti hai
Har mauj-e-saba munh dhoti haiNa-shusta rukh ya moti hai
Angrai se jaz-baz hoti haiYeh kaun utha hai sharmata
Chehra phika neend ke marePhike-pan mein shahd ke dhare
Jo bhi dekhe jaan ko wareDharti mata bojh sahare
Yeh kaun utha hai sharmataHalchal mein dil ki basti hai
Toofan-e-junun mein hasti haiAankh mein shab ki masti hai
Aur masti dil ko dasti haiYeh kaun utha hai sharmata