خورشید وہ دیکھو ڈوب گیا ظلمت کا نشاں لہرانے لگامہتاب وہ ہلکے بادل سے چاندی کے ورق برسانے لگا
وہ سانولے پن پر میداں کے ہلکی سی صباحت دوڑ چلیتھوڑا سا ابھر کر بادل سے وہ چاند جبیں جھلکانے لگا
لو پھر وہ گھٹائیں چاک ہوئیں ظلمت کا قدم تھرانے لگابادل میں چھپا تو کھول دیے بادل میں دریچے ہیرے کے
گردوں پہ جو آیا تو گردوں دریا کی طرح لہرانے لگاسمٹی جو گھٹا تاریکی میں چاندی کے سفینے لے کے چلا
سنکی جو ہوا تو بادل کے گرداب میں غوطے کھانے لگاغرفوں سے جو جھانکا گردوں کے امواج کی نبضیں تیز ہوئیں
حلقوں میں جو دوڑا بادل کے کہسار کا سر چکرانے لگاپردہ جو اٹھایا بادل کا دریا پہ تبسم دوڑ گیا
چلمن جو گرائی بدلی کی میدان کا دل گھبرانے لگاابھرا تو تجلی دوڑ گئی ڈوبا تو فلک بے نور ہوا
الجھا تو سیاہی دوڑا دی سلجھا تو ضیا برسانے لگےکیا کاوش نور و ظلمت ہے کیا قید ہے کیا آزادی ہے
انساں کی تڑپتی فطرت کا مفہوم سمجھ میں آنے لگا
— جوش ملیح آبادی
Khursheed woh dekho doob gaya zulmat ka nishan lehrane lagaMahtaab woh halke baadal se chaandi ke waraq barsane laga
Woh saanwle pan par maidaan ke halki si sabahat daur chaliThora sa ubhar kar baadal se woh chaand jabeen jhalkane laga
Lo phir woh ghataein chaak hueen zulmat ka qadam tharane lagaBaadal mein chhupa to khol diye baadal mein dareeche heere ke
Gardoon pe jo aaya to gardoon darya ki tarah lehrane lagaSimti jo ghata tareeki mein chaandi ke safeene le ke chala
Sanki jo hawa to baadal ke girdaab mein ghote khane lagaGhurfon se jo jhaanka gardoon ke amwaaj ki nabzein tez hueen
Halqon mein jo daura baadal ke kohsaar ka sar chakrane lagaParda jo uthaya baadal ka darya pe tabassum daur gaya
Chilman jo girai badli ki maidaan ka dil ghabrane lagaUbhra to tajalli daur gai dooba to falak be-noor hua
Uljha to siyahi daura di suljha to ziya barsane lageKya kavish-e noor-o-zulmat hai kya qaid hai kya azaadi hai
Insaan ki tarapti fitrat ka mafhoom samajh mein aane laga