مفلس

Za'f se aankhon ke neeche titliyan phirti huiAuj-e-khuddari se dil par bijliyan girti hui

Laash kaandhe par khud apne jazba-e-takreem kiMultaji chehre pe lehren si umeed o beem ki

Izzat-e-ajdaad ke sar par dama dam thokarenRishta-e-aawaaz par lafzon ki paiham thokaren

Chehra-e-afsurda par thanda paseena sharm kaSust nabzen bheek ka lehje ke andar theekra

Qarz ki darkhwaast ki uljhi hui taqreer meinKapkapi aasaab ki be-chain dil ki larzishen

Ik taraf haajat ki shiddat ik taraf ghairat ka joshNutq par harf-e-tamanna dil mein ghusse ka kharosh

Junbish-e-mizhgaan ke zer-e-saaya nadaari ki raatJauhar-e-insaaniyat jore hue aankhon mein haat

Saans dahshat se zameen ki aasmaan roke hueMuflisi mardaana lehje ki inaan roke hue

Lab pe khushki rukh pe zardi aankh sharmaai huiChashm o abroo mein khudi ki aag kajlaai hui

Nafs mein sherana tewar aarzoo roobah mizaajEhtiyaaj o ehtiyaaj o ehtiyaaj o ehtiyaaj!