اے ہمہ رنگ ہمہ نور ہمہ سوز و گدازبزم مہتاب سے آنے کی ضرورت کیا تھی
تو جہاں تھی اسی جنت میں نکھرتا ترا روپاس جہنم کو بسانے کی ضرورت کیا تھی
یہ خد و خال یہ خوابوں سے تراشا ہوا جسماور دل جس پہ خد و خال کی نرمی بھی نثار
خار ہی خار شرارے ہی شرارے ہیں یہاںاور تھم تھم کے اٹھا پاؤں بہاروں کی بہار
تشنگی زہر بھی پی جاتی ہے امرت کی طرحجانے کس جام پہ رک جائے نگاہ معصوم
ڈوبتے دیکھا ہے جن آنکھوں میں مے خانہ بھیپیاس ان آنکھوں کی بجھے یا نہ بجھے کیا معلوم
ہیں سبھی حسن پرست اہل نظر صاحب دلکوئی گھر میں کوئی محفل میں سجائے گا تجھے
تو فقط جسم نہیں شعر بھی ہے گیت بھی ہےکون اشکوں کی گھنی چھاؤں میں گائے گا تجھے
تجھ سے اک درد کا رشتہ بھی ہے بس پیار نہیںاپنے آنچل پہ مجھے اشک بہا لینے دے
تو جہاں جاتی ہے جا، روکنے والا میں کوناپنے رستے میں مگر شمع جلا لینے دے
— کیفی اعظمی
Aye hama rang hama noor hama soz-o-gudazBazm-e-mehtab se aane ki zaroorat kya thi
Tu jahaan thi usi jannat mein nikharta tera roopIs jahannum ko basane ki zaroorat kya thi
Ye khad-o-khaal ye khwaboun se tarasha hua jismAur dil jis pe khad-o-khaal ki narmi bhi nisaar
Khaar hi khaar sharare hi sharare hain yahanAur tham tham ke utha paaoon bahaaron ki bahaar
Tishnagi zehr bhi pi jaati hai amrit ki tarahJaane kis jaam pe ruk jaaye nigah-e-masoom
Doobte dekha hai jin aankhon mein mai-khana bhiPyaas un aankhon ki bujhe ya na bujhe kya maloom
Hain sabhi husn-parast ahl-e-nazar sahib-e-dilKoi ghar mein koi mehfil mein sajayega tujhe
Tu faqat jism nahin sher bhi hai geet bhi haiKaun ashkon ki ghani chhaon mein gaayega tujhe
Tujh se ek dard ka rishta bhi hai bas pyar nahinApne aanchal pe mujhe ashk baha lene de
Tu jahaan jaati hai jaa, rokne wala main kaunApne raste mein magar shama jala lene de
