اپنے پرتو ہی میں خالق نے بنایا ہے مجھے – کرشن موہن

اپنے پرتو ہی میں خالق نے بنایا ہے مجھےزعم دارائی اسی وجہ سے آیا ہے مجھے

کس کا غم ہوں کہ مشیت نے منایا ہے مجھےکس کا دل ہوں کہ دو عالم سے لگایا ہے مجھے

محو حیرت ہے تری شعبدہ بازی پر دلیہ بنایا ہے کہ اس طور مٹایا ہے مجھے

یاس اور آس کا اک سوز بھرا نغمہ ہوںساز احساس پہ ارمانوں نے گایا ہے مجھے

چند لمحات کی سطحی سی مسرت کے لیےلال انگاروں پہ خواہش نے نچایا ہے مجھے

حسرت و رنج ہو یا عشرت و سر مستی ہوایک ہی رنگ میں احباب نے پایا ہے مجھے

دم تو لینے دو ذرا ٹھہرو بھیانک سپنوتھپکیاں دے کے امیدوں نے سلایا ہے مجھے

صاحبو کوئے ملامت میں ندامت کیسیشوق رسوائی یہاں کھینچ کے لایا ہے مجھے

دل کہے میں ہوں فسردہ مرا ہنسنا معلوموہ خرابہ ہوں کہ حسرت نے بسایا ہے مجھے

روز و شب پھرتا ہوں آشفتہ سر و آوارہاس قدر تیری محبت نے ستایا ہے مجھے

آنکھیں چنچل ہیں مگر من ہے مرا بیراگیکرشن موہنؔ یہ ملن موہ کی مایا ہے مجھے

— کرشن موہن