بھٹک کے راہ سے ہم سب کو آزما آئے – کرشن موہن

بھٹک کے راہ سے ہم سب کو آزما آئےفریب دے گئے جتنے بھی رہنما آئے

ہم ان کو حال دل زار بھی سنا آئےکمال جرات اظہار بھی دکھا آئے

کریں تو کس سے کریں ذکر خانہ ویرانیکہ ہم تو آگ نشیمن کو خود لگا آئے

خیال وصل میں رہتے ہیں رات بھر بیدارتمہارے ہجر کے ماروں کو نیند کیا آئے

رہین عیش و طرب ہیں جو روز و شب ان کوپسند کیسے مرے غم کا ماجرا آئے

کبھی ہمیں بھی میسر ہو روٹھنا ان سےکبھی ہمارے بھی دل میں یہ حوصلہ آئے

ہر اک سے پوچھتے ہیں حال کرشن موہنؔ کاجسے ادائے ستم سے وہ خود مٹا آئے

— کرشن موہن