ساتھی

Phool ki khushboo hansti aayiMere basere ko mehkane

Main khushboo mein, khushboo mujh meinUsko main jaanoon, mujhko woh jaane

Mujh se chhoo kar, mujh mein bas karUski baharein, uske zamane

Lakhon phoolon ki mehkarinRakhte hain gulshan veerane

Mujh se alag hain, mujh se juda hainMain begaana, woh begaane

Inko bikhhera, inko udhayaDast-e-khizan ne, mauj-e-saba ne

Bhoola bhatka nadaan qatraAankhon ki putli ko sajane

Aansu ban kar dauda aayaMeri palkein uske thikane

Uska thirakna, uska tadapnaMere qisse, mere fasane

Uski hasti, meri hastiUske moti, mere khazane

Baaqi saare gauhar paareKhaak ke zarre, reit ke daane

Parbat ki oonchi choti seDaaman phailaya jo ghata ne

Thandi hawa ke thande jhonkeBe-khud aawara, mastane

Apni thandak le kar aayeMeri aag mein ghul mil jaane

Inki hasti ka pairahanMeri saans ke taane baane

Inke jhakole meri umangeinInki nawayein mere tarane

Baaqi saare toofanon koJazb kiya pehnaye faza ne

Fitrat ki yeh goona gooniGulshan ban, wadi, veerane

Kaante, kaliyan, noor, andheraAnjumanein, shamaein, parwane

Lakhon shatir, lakhon mohrePhaile hain shatranj ke khaane

Jaanta hoon main yeh sab kya hainSehba se khaali paimane

Bhooki mitti ko saunpe hainDuniya ne apne nazrane

Jis ne mera daaman thamaAaya jo mujh mein bas jaane

Mere toofanon mein behneMeri maujon mein lehrane

Mere soz-e-dil ki lau seApne mann ki jot jagane

Zeest ki pehnayi mein phaileMaut ki gehraayi ko na jaane

Uska barbat mere naghmeUske gesu mere shaane

Meri nazrein uski duniyaMeri saansein uske zamane