اب دھندلی پڑتی جاتی ہے تاریکئ شب میں جاتا ہوںوہ صبح کا تارا ابھرا وہ پو پھوٹی اب میں جاتا ہوں
جاتا ہوں اجازت جانے دو وہ دیکھو اجالے چھانے کو ہیںسورج کی سنہری کرنوں کے خاموش بلاوے آنے کو ہیں
وہ پھولوں کے گجرے جو تم کل شام پرو کر لائی تھیںوہ کلیاں جن سے تم نے یہ رنگیں سیجیں مہکائی تھیں
دیکھو ان باسی کلیوں کی پتی پتی مرجھائی ہےوہ رات سہانی بیت چکی آ پہنچی صبح جدائی ہے
اب مجھ کو یہاں سے جانا ہے پر شوق نگاہو مت روکواو میرے گلے میں لٹکی ہوئی لچکیلی باہو مت روکو
ان الجھی الجھی زلفوں میں دل اپنا بسارے جاتا ہوںان میٹھی میٹھی نظروں کی یادوں کے سہارے جاتا ہوں
جاتا ہوں اجازت وہ دیکھو غرفے سے شعاعیں جھلکی ہیںپگھلے ہوئے سونے کی لہریں مینائے شفق سے چھلکی ہیں
کھیتوں میں کسی چرواہے نے بنسی کی تان اڑائی ہےایک ایک رسیلی سر جس کی پیغام سفر کا لائی ہے
مجبور ہوں میں جانا جو ہوا دل مانے نہ مانے جاتا ہوںدنیا کی اندھیری گھاٹی میں اب ٹھوکریں کھانے جاتا ہوں
— مجید امجد
Ab dhundli padti jaati hai tareeki-e-shab mein jata hoonWoh subh ka tara ubhra woh pau phooti ab main jata hoon
Jata hoon ijazat jaane do woh dekho ujale chhaane ko hainSuraj ki sunheri kirnon ke khamosh bulawe aane ko hain
Woh phoolon ke gajre jo tum kal sham paro kar laayi theenWoh kaliyan jin se tum ne yeh rangin seejein mehkaayi theen
Dekho un baasi kaliyon ki patti patti murjhaayi haiWoh raat suhani beet chuki aa pahunchi subh-e-judai hai
Ab mujhko yahan se jaana hai par shauq nigaho mat rokoO mere gale mein latki hui lachkeeli baahon mat roko
In uljhi uljhi zulfon mein dil apna bisare jata hoonIn meethi meethi nazron ki yaadon ke sahaare jata hoon
Jata hoon ijazat woh dekho ghurfe se shua'ein jhilki hainPighle hue sone ki lehrein meena-e-shafaq se chhalki hain
Khetton mein kisi charwahe ne bansuri ki taan udai haiEk ek raseeli sur jis ki paigham-e-safar ka laayi hai
Majboor hoon main jaana jo hua dil maane na maane jata hoonDuniya ki andheri ghaati mein ab thokarein khaane jata hoon