6 اشعار

ترے فرق ناز پہ تاج ہے مرے دوش غم پہ گلیم ہے

Tere farq-e-nāz pe tāj hai, mere dosh-e-gham pe galīm hai

«ترے فرق ناز پہ تاج ہے مرے دوش غم پہ گلیم ہے» مجید امجد کا کلام ہے، جسے یہاں آواز میں بھی سنا جا سکتا ہے۔ ریکارڈنگ کا دورانیہ 1 منٹ ہے۔

ترے فرق ناز پہ تاج ہے مرے دوش غم پہ گلیم ہےتری داستاں بھی عظیم ہے مری داستاں بھی عظیم ہے

مری کتنی سوچتی صبحوں کو یہ خیال زہر پلا گیاکسی تپتے لمحے کی آہ ہے کہ خرام موج نسیم ہے

تہ خاک کرمک دانہ جو بھی شریک رقص حیات ہےنہ بس ایک جلوۂ طور ہے نہ بس ایک شوق کلیم ہے

یہ ہر ایک سمت مسافتوں میں گندھی پڑی ہیں جو ساعتیںتری زندگی مری زندگی انہی موسموں کی شمیم ہے

کہیں محملوں کا غبار اڑے کہیں منزلوں کے دئے جلیںخم آسماں رہ کارواں نہ مقام ہے نہ مقیم ہے

حرم اور دیر فسانہ ہے یہی جلتی سانس زمانہ ہےیہی گوشۂ دل ناصبور ہی کنج باغ نعیم ہے

— مجید امجد