سب رات مری سپنوں میں گزر جاتی ہے اور میں سوتا ہوںپھر صبح کی دیوی آتی ہے
اپنے بستر سے اٹھتا ہوں منہ دھوتا ہوںلایا تھا کل جو ڈبل روٹی
اس میں سے آدھی کھائی تھیباقی جو بچی وہ میرا آج کا ناشتہ ہے
دنیا کے رنگ انوکھے ہیںجو میرے سامنے رہتا ہے اس کے گھر میں گھر والی ہے
اور دائیں پہلو میں اک منزل کا ہے مکاں وہ خالی ہےاور بائیں جانب اک عیاش ہے جس کے ہاں اک داشتہ ہے
اور ان سب میں اک میں بھی ہوں لیکن بس تو ہی نہیںہیں اور تو سب آرام مجھے اک گیسوؤں کی خوشبو ہی نہیں
فارغ ہوتا ہوں ناشتے سے اور اپنے گھر سے نکلتا ہوںدفتر کی راہ پر چلتا ہوں
رستے میں شہر کی رونق ہے اک تانگہ ہے دو کاریں ہیںبچے مکتب کو جاتے ہیں اور تانگوں کی کیا بات کہوں
کاریں تو چھچھلتی بجلی ہیں تانگوں کے تیروں کو کیسے سہوںیہ مانا ان میں شریفوں کے گھر کی دھن دولت ہے مایا ہے
کچھ شوخ بھی ہیں معصوم بھی ہیںلیکن رستے پر پیدل مجھ سے بد قسمت مغموم بھی ہیں
تانگوں پر برق تبسم ہےباتوں کا میٹھا ترنم ہے
اکساتا ہے دھیان یہ رہ رہ کر قدرت کے دل میں ترحم ہےہر چیز تو ہے موجود یہاں اک تو ہی نہیں اک تو ہی نہیں
اور میری آنکھوں میں رونے کی ہمت ہی نہیں آنسو ہی نہیںجوں توں رستہ کٹ جاتا ہے اور بندی خانہ آتا ہے
چل کام میں اپنے دل کو لگا یوں کوئی مجھے سمجھاتا ہےمیں دھیرے دھیرے دفتر میں اپنے دل کو لے جاتا ہوں
نادان ہے دل مورکھ بچہ اک اور طرح دے جاتا ہوںپھر کام کا دریا بہتا ہے اور ہوش مجھے کب رہتا ہے
جب آدھا دن ڈھل جاتا ہے تو گھر سے افسر آتا ہےاور اپنے کمرے میں مجھ کو چپراسی سے بلواتا ہے
یوں کہتا ہے ووں کہتا ہے لیکن بے کار ہی رہتا ہےمیں اس کی ایسی باتوں سے تھک جاتا ہوں تھک جاتا ہوں
پل بھر کے لیے اپنے کمرے کو فائل لینے آتا ہوںاور دل میں آگ سلگتی ہے میں بھی جو کوئی افسر ہوتا
اس شہر کی دھول اور گلیوں سے کچھ دور مرا پھر گھر ہوتااور تو ہوتی
لیکن میں تو اک منشی ہوں تو اونچے گھر کی رانی ہےیہ میری پریم کہانی ہے اور دھرتی سے بھی پرانی ہے
— میراجی
Sab raat meri sapno mein guzar jaati hai aur main sota hoonPhir subh ki devi aati hai
Apne bistar se uthta hoon munh dhota hoonLaaya tha kal jo double roti
Is mein se aadhee khai thiBaqi jo bachi woh mera aaj ka naashta hai
Duniya ke rang anokhe hainJo mere saamne rehta hai us ke ghar mein gharwali hai
Aur daayein pehlu mein ek manzil ka hai makaan woh khaali haiAur baayein jaanib ek ayyash hai jis ke haan ek daashta hai
Aur in sab mein ek main bhi hoon lekin bas tu hi nahinHain aur to sab aaram mujhe ek gesu'on ki khushboo hi nahin
Faarigh hota hoon naashte se aur apne ghar se nikalta hoonDaftar ki raah par chalta hoon
Raste mein shahr ki raunaq hai ek taanga hai do kaarein hainBachche maktab ko jaate hain aur taangon ki kya baat kahoon
Kaarein to chhachhalti bijli hain taangon ke teeron ko kaise sahoonYeh maana in mein sharifon ke ghar ki dhun daulat hai maaya hai
Kuchh shokh bhi hain masoom bhi hainLekin raste par paidal mujh se bad-qismat maghmoom bhi hain
Taangon par barq-e-tabassum haiBaaton ka meetha tarannum hai
Uksaata hai dhyaan yeh rah rah kar qudrat ke dil mein tarahhum haiHar cheez to hai maujood yahan ek tu hi nahin ek tu hi nahin
Aur meri aankhon mein rone ki himmat hi nahin aansu hi nahinJun tun rasta kat jaata hai aur bandi khana aata hai
Chal kaam mein apne dil ko lagaa yun koi mujhe samjhata haiMain dheere dheere daftar mein apne dil ko le jaata hoon
Naadaan hai dil moorakh bachcha ek aur tarah de jaata hoonPhir kaam ka darya behta hai aur hosh mujhe kab rehta hai
Jab aadha din dhal jaata hai to ghar se afsar aata haiAur apne kamre mein mujh ko chapraasi se bulwaata hai
Yun kehta hai woon kehta hai lekin bekar hi rehta haiMain us ki aisi baaton se thak jaata hoon thak jaata hoon
Pal bhar ke liye apne kamre ko file lene aata hoonAur dil mein aag sulagti hai main bhi jo koi afsar hota
Is shahr ki dhool aur galiyon se kuchh door mera phir ghar hotaAur tu hoti
Lekin main to ek munshi hoon tu unche ghar ki raani haiYeh meri prem kahani hai aur dharti se bhi puraani hai
