یہ سرگوشیاں کہہ رہی ہیں اب آؤ کہ برسوں سے تم کو بلاتے بلاتے مرےدل پہ گہری تھکن چھا رہی ہے
کبھی ایک پل کو کبھی ایک عرصہ صدائیں سنی ہیں مگر یہ انوکھی ندا آ رہی ہےبلاتے بلاتے تو کوئی نہ اب تک تھکا ہے نہ آئندہ شاید تھکے گا
مرے پیارے بچے مجھے تم سے کتنی محبت ہے دیکھو اگریوں کیا تو
برا مجھ سے بڑھ کر نہ کوئی بھی ہوگا خدایا خدایاکبھی ایک سسکی کبھی اک تبسم کبھی صرف تیوری
مگر یہ صدائیں تو آتی رہی ہیںانہی سے حیات دو روزہ ابد سے ملی ہے
مگر یہ انوکھی ندا جس پہ گہری تھکن چھا رہی ہےیہ ہر اک صدا کو مٹانے کی دھمکی دئیے جا رہی ہے
اب آنکھوں میں جنبش نہ چہرے پہ کوئی تبسم نہ تیوریفقط کان سنتے چلے جا رہے ہیں
یہ اک گلستاں ہے ہوا لہلہاتی ہے کلیاں چٹکتی ہیںغنچے مہکتے ہیں اور پھول کھلتے ہیں کھل کھل کے مرجھا کے
گرتے ہیں اک فرش مخمل بناتے ہیں جس پرمری آرزوؤں کی پریاں عجب آن سے یوں رواں ہیں
کہ جیسے گلستاں ہی اک آئینہ ہےاسی آئینے سے ہر اک شکل نکھری سنور کر مٹی اور مٹ ہی گئی پھر نہ ابھری
یہ پربت ہے خاموش ساکنکبھی کوئی چشمہ ابلتے ہوئے پوچھتا ہے کہ اس کی چٹانوں کے اس پار کیا ہے
مگر مجھ کو پربت کا دامن ہی کافی ہے دامن میں وادی ہے وادی میں ندیہے ندی میں بہتی ہوئی ناؤ ہی آئینہ ہے
اسی آئینے میں ہر اک شکل نکھری مگر ایک پل میں جو مٹنے لگی ہے توپھر نہ ابھری
یہ صحرا ہے پھیلا ہوا خشک بے برگ صحرابگولے یہاں تند بھوتوں کا عکس مجسم بنے ہیں
مگر میں تو دور ایک پیڑوں کے جھرمٹ پہ اپنی نگاہیں جمائے ہوئے ہوںنہ اب کوئی صحرا نہ پربت نہ کوئی گلستاں
اب آنکھوں میں جنبش نہ چہرے پہ کوئی تبسم نہ تیوریفقط ایک انوکھی صدا کہہ رہی ہے کہ تم کو بلاتے بلاتے مرے دل پہ
گہری تھکن چھا رہی ہےبلاتے بلاتے تو کوئی نہ اب تک تھکا ہے نہ شاید تھکے گا
تو پھر یہ ندا آئینہ ہے فقط میں تھکا ہوںنہ صحرا نہ پربت نہ کوئی گلستاں فقط اب سمندر بلاتا ہے مجھ کو
کہ ہر شے سمندر سے آئی سمندر میں جا کر ملے گی
— میراجی
Yeh sargoshiyaan keh rahi hain ab aao ke barson se tum ko bulaate bulaate mereDil pe gehri thakan chhaa rahi hai
Kabhi ek pal ko kabhi ek arsa sadaayein suni hain magar yeh anokhi nida aa rahi haiBulaate bulaate to koi na ab tak thaka hai na aainda shayad thakega
Mere pyaare bachche mujhe tum se kitni mohabbat hai dekho agarYun kiya to
Bura mujh se badh kar na koi bhi hoga khudaya khudayaKabhi ek siski kabhi ek tabassum kabhi sirf tewri
Magar yeh sadaayein to aati rahi hainInhi se hayaat-e-do-roza abad se mili hai
Magar yeh anokhi nida jis pe gehri thakan chhaa rahi haiYeh har ek sada ko mitane ki dhamki diye jaa rahi hai
Ab aankhon mein jumbish na chehre pe koi tabassum na tewriFaqat kaan sunte chale jaa rahe hain
Yeh ek gulistaan hai hawa lehlahaati hai kaliyaan chatakti hainGhunche mehakte hain aur phool khilte hain khil khil ke murjha ke
Girte hain ek farsh-e-makhmal banaate hain jis parMeri aarzu'on ki pariyaan ajab aan se yun rawaan hain
Ke jaise gulistaan hi ek aaina haiIsi aaine se har ek shakal nikhri sanwar kar mitti aur mit hi gayi phir na ubhri
Yeh parbat hai khaamosh saakinKabhi koi chashma ubalte hue poochhta hai ke us ki chatanon ke is paar kya hai
Magar mujh ko parbat ka daaman hi kaafi hai daaman mein waadi hai waadi mein nadiHai nadi mein behti hui naao hi aaina hai
Isi aaine mein har ek shakal nikhri magar ek pal mein jo mitne lagi hai toPhir na ubhri
Yeh sehra hai phaila hua khushk be-barg sehraBagole yahan tund bhootton ka aks-e-mujassam bane hain
Magar main to door ek pedon ke jhurmut pe apni nigaahein jamaaye hue hoonNa ab koi sehra na parbat na koi gulistaan
Ab aankhon mein jumbish na chehre pe koi tabassum na tewriFaqat ek anokhi sada keh rahi hai ke tum ko bulaate bulaate mere dil pe
Gehri thakan chhaa rahi haiBulaate bulaate to koi na ab tak thaka hai na shayad thakega
To phir yeh nida aaina hai faqat main thaka hoonNa sehra na parbat na koi gulistaan faqat ab samandar bulaata hai mujh ko
Ke har shai samandar se aayi samandar mein jaa kar milegi