غسل خانے میں وہ کہتی ہیں ہمیں چینی کی اینٹیں ہی پسند آتی ہیںچینی کی اینٹوں پہ وہ کہتی ہیں چھینٹا جو پڑے تو پل میں
ایک اک بوند بہت جلد پھسل جاتی ہےکوئی پوچھے کہ بھلا بوندوں کے یوں جلد پھسل جانے میں
کیا فائدہ ہےجب ضرورت ہوئی جی چاہا تو چپکے سے گئے اور نہا کر لوٹے
دھل دھلا کر یوں چلے آئے کہ جس طرح کسی جھیل کے پانی پہ کوئی مرغابیایک دم ڈبکی لگاتی ہے لگاتے ہی ابھر آتی ہے
اور پھر تیرتی جاتی ہے ذرا رکتی نہیںوہ یہ کہتی ہیں مگر چینی کی اینٹوں کا اگر فرش ہو دیواریں ہوں
دل یہ کہتا ہے کہ ہر چیز کا نکھرا ہوا رنگآنکھوں کو کتنا بھلا لگتا ہے
جیسے برسات میں تھم جاتے ہیں بادل جو برس کر تو ہر اک پھلوارییوں نظر آتی ہے
جیسے جانا ہو اسے اپنے کسی چاہنے والے سے کہیں ملنے کو جانا ہو مگرابھی کچھ سوچ میں ہو
کوئی پوچھے کہ بھلا چینی کی اینٹوں کو کسی سوچ سے کیا نسبت ہےچینی کی اینٹیں تو بے جان ہیں پھلواری میں ہر پھول کلی ہر پتہ
زیست کے نور سے لہراتا ہےپھول مرجھائے کلی کھلتی ہے
اور ہر پتہ نئے پھول کے گن گاتا ہےچینی کی اینٹیں کوئی گیت نہیں گا سکتیں
چینی کی اینٹیں تو خاموش رہا کرتی ہیںایسی خاموشی سے اکتا کے نہانے والا
کچھ اس انداز سے اک تان لگاتا ہے کہ لقمان ہی یاد آتا ہےجب میں یہ کہتا ہوں وہ پوچھتی ہیں
کوئی پوچھے تو بھلا تان کو لقمان سے کیا نسبت ہےاور میں کہتا ہوں لقمان کو لقمان کو یا تان کو رہنے دو چلو
اور کوئی بات کریںاور یوں لیٹے ہی رہتے ہیں کسی کے دل میں
دھیان آتا ہی نہیںغسل خانے میں قدم رکھیں نہا کر سوئیں
لیٹے لیٹے یوں ہی نیند آتی ہے سو جاتے ہیں
— میراجی
Ghusl khane mein woh kehti hain hamein cheeni ki eentein hi pasand aati hainCheeni ki eenton pe woh kehti hain chheenta jo pade toh pal mein
Ek ek boond bahut jald phisal jaati haiKoi poochhe ke bhala boondon ke yoon jald phisal jaane mein
Kya faida haiJab zaroorat hui jee chaha toh chupke se gaye aur naha kar laute
Dhul dhula kar yoon chale aaye ke jis tarah kisi jheel ke pani pe koi murghabiEk dam dabki lagaati hai lagaate hi ubhar aati hai
Aur phir tairti jaati hai zara rukti nahinWoh yeh kehti hain magar cheeni ki eenton ka agar farsh ho deewarien hon
Dil yeh kehta hai ke har cheez ka nikhra hua rangAankhon ko kitna bhala lagta hai
Jaise barsaat mein tham jaate hain badal jo baras kar toh har ek phulwariYoon nazar aati hai
Jaise jaana ho use apne kisi chahne wale se kahin milne ko jaana ho magarAbhi kuch soch mein ho
Koi poochhe ke bhala cheeni ki eenton ko kisi soch se kya nisbat haiCheeni ki eentein toh bejaan hain phulwari mein har phool kali har patta
Zeest ke noor se lehraata haiPhool murjhaaye kali khilti hai
Aur har patta naye phool ke gun gaata haiCheeni ki eentein koi geet nahin ga saktein
Cheeni ki eentein toh khamosh raha karti hainAisi khamoshi se ukta ke nahane wala
Kuch is andaaz se ek taan lagaata hai ke luqmaan hi yaad aata haiJab main yeh kehta hoon woh poochhti hain
Koi poochhe toh bhala taan ko luqmaan se kya nisbat haiAur main kehta hoon luqmaan ko luqmaan ko ya taan ko rehne do chalo
Aur koi baat kareinAur yoon lete hi rehte hain kisi ke dil mein
Dhyaan aata hi nahinGhusl khane mein qadam rakhein naha kar soyein
Lete lete yoon hi neend aati hai so jaate hain