زندگی ایک اذیت ہے مجھےتجھ سے ملنے کی ضرورت ہے مجھے
دل میں ہر لحظہ ہے صرف ایک خیالتجھ سے کس درجہ محبت ہے مجھے
تری صورت تری زلفیں ملبوسبس انہی چیزوں سے رغبت ہے مجھے
مجھ پہ اب فاش ہوا راز حیاتزیست اب سے تری چاہت ہے مجھے
تیز ہے وقت کی رفتار بہتاور بہت تھوڑی سی فرصت ہے مجھے
سانس جو بیت گیا بیت گیابس اسی بات کی کلفت ہے مجھے
آہ میری ہے تبسم تیرااس لیے درد بھی راحت ہے مجھے
اب نہیں دل میں مرے شوق وصالاب ہر اک شے سے فراغت ہے مجھے
اب نہ وہ جوش تمنا باقیاب نہ وہ عشق کی وحشت ہے مجھے
اب یوں ہی عمر گزر جائے گیاب یہی بات غنیمت ہے مجھے
— میراجی
Zindagi ek aziyat hai mujheTujh se milne ki zaroorat hai mujhe
Dil mein har lahza hai sirf ek khayalTujh se kis darja mohabbat hai mujhe
Teri soorat teri zulfen malboosBas inhi cheezon se raghbat hai mujhe
Mujh pe ab faash hua raaz-e-hayaatZeest ab se teri chaahat hai mujhe
Tez hai waqt ki raftaar bahutAur bahut thodi si fursat hai mujhe
Saans jo beet gaya beet gayaBas isi baat ki kulfat hai mujhe
Aah meri hai tabassum teraIs liye dard bhi raahat hai mujhe
Ab nahin dil mein mere shauq-e-wisaalAb har ek shai se faraaghat hai mujhe
Ab na woh josh-e-tamanna baaqiAb na woh ishq ki wahshat hai mujhe
Ab yoon hi umr guzar jaayegiAb yahi baat ghaneemat hai mujhe
