نا چھیڑو کھلتی کلیوں ، ہنستے پھولوں کوان اُڑتی تتلیوں ، آوارہ بھنوروں کو ،
تسلسل ٹوٹ جائے گا !فضا محو سماعت ہے ،
حسین ہونٹوں کو نغمہ ریز رہنے دو ،نگاہیں نیچی رکھو
اورمجسم گوش بن جاؤ
اگر جنبش لبوں کو دی ،تسلسل ٹوٹ جائے گا !
افق میں ڈوبتے سورج کا منظراس بلندی سے ذرا دیکھو
اسی رنگین کنارے پر ،شفق سونا لٹائے گی
یونہی تم بےحس و ساکت رہوایسے میں پلکیں بھی ذرا جھپکیں
تسلسل ٹوٹ جائے گا !وہ خوابیدہ ہے ، خوابیدہ ہی رہنے دو
نا جانے خواب میں کن وادیوں کی سیر کرتی ہوبلندی سے پھسلتے آبشاروں میں کہیں گم ہو
فلک آثار چوٹی پر کہیں محو ترنم ہواگر آواز دی تم نے
تسلسل ٹوٹ جائے گا !میں شاعر ہوں ،
میری فکر رساں ، احساس کی اس سطح پر ہےجس میں خوشبو رنگ بنتی ہے
صدا کو شکل ملتی ہےتصور بول اٹھتا ہے
خاموشی گنگناتی ہےیہ وہ وقفہ ہے _ _ _ _ _ _ ایسے میں ،
اگر داد سخن بھی دیتسلسل ٹوٹ جائے گا !
— محسن بھوپالی
Na chheṛo khilti kaliyon, hanste phoolon koUn uṛti titliyon, aawara bhanwaron ko,
Tasalsul toot jaayega!Fiza mahv-e-sama'at hai,
Haseen honton ko naghma-rez rehne do,Nigahen neechi rakho
AurMujassam gosh ban jao
Agar jumbish labon ko di,Tasalsul toot jaayega!
Ufuq mein doobte suraj ka manzarIs bulandi se zara dekho
Isi rangeen kinare par,Shafaq sona lutaayegi
Yunhi tum be-his o saakit rahoAise mein palkein bhi zara jhapkein
Tasalsul toot jaayega!Woh khwaabida hai, khwaabida hi rehne do
Na jaane khwaab mein kin wadiyon ki sair karti hoBulandi se phisalte aabshaaron mein kahin gum ho
Falak asaar choti par kahin mahv-e-tarannum hoAgar aawaaz di tum ne
Tasalsul toot jaayega!Main shaa'ir hoon,
Meri fikr-e-rasaan, ehsaas ki is satah par haiJis mein khushboo rang banti hai
Sada ko shakal milti haiTasawwur bol uthta hai
Khamoshi gungunati haiYeh woh waqfa hai _ _ _ _ _ _ aise mein,
Agar daad-e-sukhan bhi diTasalsul toot jaayega!
