اب وہ طوفاں ہے نہ وہ شور ہواؤں جیسادل کا عالم ہے ترے بعد خلاؤں جیسا
کاش دنیا مرے احساس کو واپس کر دےخامشی کا وہی انداز صداؤں جیسا
پاس رہ کر بھی ہمیشہ وہ بہت دور ملااس کا انداز تغافل تھا خداؤں جیسا
کتنی شدت سے بہاروں کو تھا احساس مآلپھول کھل کر بھی رہا زرد خزاؤں جیسا
کیا قیامت ہے کہ دنیا اسے سردار کہےجس کا انداز سخن بھی ہو گداؤں جیسا
پھر تری یاد کے موسم نے جگائے محشرپھر مرے دل میں اٹھا شور ہواؤں جیسا
بارہا خواب میں پا کر مجھے پیاسا محسنؔاس کی زلفوں نے کیا رقص گھٹاؤں جیسا
— محسن نقوی
Ab woh toofan hai na woh shor hawaon jaisaDil ka alam hai tere baad khalaon jaisa
Kaash duniya mere ehsas ko wapas kar deKhamoshi ka wahi andaaz sadaon jaisa
Paas reh kar bhi hamesha woh bahut door milaUs ka andaaz-e-taghaful tha khudaon jaisa
Kitni shiddat se baharon ko tha ehsas-e-maalPhool khil kar bhi raha zard khazaon jaisa
Kya qayamat hai ki duniya use sardar kaheJis ka andaaz-e-sukhan bhi ho gadaon jaisa
Phir teri yaad ke mausam ne jagaye mahsharPhir mere dil mein utha shor hawaon jaisa
Barha khwab mein pa kar mujhe pyasa MohsinUs ki zulfon ne kiya raqs ghataon jaisa