اگر چمن کا کوئی در کھلا بھی میرے لیےسموم بن گئی باد صبا بھی میرے لیے
مرا سخن بھی ہوا اس کے نام سے موسومعبث ہوا مرا اپنا کہا بھی میرے لیے
یہی نہیں کہ وہ رستے سے موڑ کاٹ گیانہ چھوڑا اس نے کوئی نقش پا بھی میرے لیے
تعلقات کا رکھنا بھی توڑنا بھی محالعذاب جاں ہے یہ رسم وفا بھی میرے لیے
مجھے طویل سفر کا ملا تھا حکم تو پھرکچھ اور ہوتی کشادہ فضا بھی میرے لیے
مرے لیے جو ہے زنجیر میرا اوج نظرکمند ہے مری فکر رسا بھی میرے لیے
دوا ہے میرے لیے جس کی خاک پا محسنؔاسی کا اسم ہے حرف دعا بھی میرے لیے
— محسن زیدی
Agar chaman ka koi dar khula bhi mere liyeSamoom ban gai baad-e-saba bhi mere liye
Mera sukhan bhi hua uske naam se mawsoomAbas hua mera apna kaha bhi mere liye
Yahi nahin ke woh raste se mod kaat gayaNa chhoda usne koi naqsh-e-pa bhi mere liye
Ta'alluqat ka rakhna bhi todna bhi muhalAzab-e-jaan hai yeh rasm-e-wafa bhi mere liye
Mujhe taweel safar ka mila tha hukm to phirKuchh aur hoti kushadah fiza bhi mere liye
Mere liye jo hai zanjeer mera auj-e-nazarKamand hai meri fikr-e-rasa bhi mere liye
Dawa hai mere liye jiska khaak-e-pa MohsinUsi ka ism hai harf-e-dua bhi mere liye