امید کوئی نہیں آسرا بھی کوئی نہیںدوا بھی کوئی نہیں اب دعا بھی کوئی نہیں
کچھ اتنے ہو گئے بیزار اپنے حال سے لوگکہ اپنے حال پہ اب سوچتا بھی کوئی نہیں
بتائے کون وہاں کیا گزر گئی کس پرکہ اس دیار سے آیا گیا بھی کوئی نہیں
حصار جاں کے وہ اس پار ہی تو رہتا ہےفقط ہے شرط سفر فاصلا بھی کوئی نہیں
گزر ہوا جو کبھی اس سے مل لئے ورنہسوال اس سے کجا مدعا بھی کوئی نہیں
مرے سخن نے مجھے روشناس سب سے کیاوگرنہ چہرے سے پہچانتا بھی کوئی نہیں
ہمیں نے خود پہ کئے بند سارے در محسنؔنکلنا چاہیں تو اب راستا بھی کوئی نہیں
— محسن زیدی
Ummeed koi nahin aasra bhi koi nahinDawa bhi koi nahin ab dua bhi koi nahin
Kuchh itne ho gaye bezaar apne haal se logKe apne haal pe ab sochta bhi koi nahin
Bataye kaun wahan kya guzar gayi kis parKe us dayaar se aaya gaya bhi koi nahin
Hisar-e-jaan ke wo us paar hi to rehta haiFaqat hai shart-e-safar faasla bhi koi nahin
Guzar hua jo kabhi us se mil liye warnaSawal us se kuja muddaa bhi koi nahin
Mere sukhan ne mujhe roshnaas sab se kiyaWagarna chehre se pehchanta bhi koi nahin
Hamein ne khud pe kiye band saare dar MohsinNikalna chaahein to ab raasta bhi koi nahin