برہمن بت کدے کے شیخ بیت اللہ کے صدقےکہیں ہیں جس کو سوداؔ وہ دل آگاہ کے صدقے
جتا دیں جس جگہ ہم قدر اپنی ناتوانی کیاگر کہسار واں ہووے تو جاوے کاہ کے صدقے
نہ دے تکلیف جلنے کی کسو کے دل کو میرے پراثر سے دور رہتی ہیں میں اپنی آہ کے صدقے
عجائب شغل میں تھے رات تم اے شیخ رحمت ہےمیں اس ریش بلند اور دامن کوتاہ کے صدقے
نہیں بے وجہ کوچے سے ترے اٹھنا بگولے کاہماری خاک بھی جاتی ہے تیری راہ کے صدقے
کبھو وہ شب بھی اے پروانہ حق باہم دکھاوے گاتو بل بل شمع پر جاوے میں ہوں اس ماہ کے صدقے
دکھاتی ہے تجھے کس کس طرح سوداؔ کی نظروں میںجو ہو انصاف تو جاوے تو اس کی چاہ کے صدقے
— محمد رفیع سودا
Barhaman but-kade ke, Shaikh bait-ullah ke sadqeKahein hain jis ko Sauda, woh dil-agah ke sadqe
Jata dein jis jagah hum qadr apni natavaani kiAgar kohsar waan hove to jaave kah ke sadqe
Na de takleef jalne ki kisu ke dil ko mere parAsar se door rehti hain main apni aah ke sadqe
Ajaib shughl mein thhe raat tum ay Shaikh rahmat haiMain us rish-e-buland aur daman-e-kotaah ke sadqe
Nahin be-wajah koochay se tere uthna bagule kaHamari khak bhi jaati hai teri raah ke sadqe
Kabhu woh shab bhi ay parwana haq baaham dikhave gaTu bal bal shama par jaave, main hoon us mah ke sadqe
Dikhati hai tujhe kis kis tarah Sauda ki nazron meinJo ho insaaf to jaave tu us ki chah ke sadqe
