دل دار اس کو خواہ دل آزار کچھ کہوسنتا نہیں کسو کی مرا یار کچھ کہو
غمزہ ادا نگاہ تبسم ہے دل کا مولتم بھی اگر ہو اس کے خریدار کچھ کہو
شیریں نے کوہ کن سے منگائی تھی جوئے شیرگر امتحاں ہے اس سے بھی دشوار کچھ کہو
ہر آن آ مجھی کو ستاتے ہو ناصحوسمجھا کے تم اسے بھی تو یک بار کچھ کہو
اے ساکنان کنج قفس صبح کو صباسنتے ہیں جائے گی سوئے گلزار کچھ کہو
عالم کی گفتگو سے تو آتی ہے بوئے خوںبندہ ہے اک نگہ کا گنہ گار کچھ کہو
سوداؔ موافقت کا سبب جانتا ہے یارسمجھے مخالف اس کو کچھ اغیار کچھ کہو
— محمد رفیع سودا
Dildaar is ko khwah dil-aazaar kuch kahoSunta nahin kisu ki mera yaar kuch kaho
Ghamzah ada nigaah tabassum hai dil ka molTum bhi agar ho us ke khareedar kuch kaho
Shireen ne koh-kan se mangayi thi joo-e-sheerGar imtihaan hai is se bhi dushwaar kuch kaho
Har aan aa mujhi ko sataate ho naasehoSamjha ke tum use bhi to yak baar kuch kaho
Ae saakinan-e-kunj-e-qafas subh ko sabaSunte hain jaayegi soo-e-gulzaar kuch kaho
Aalam ki guftugu se to aati hai boo-e-khoonBanda hai ik nigah ka gunahgaar kuch kaho
Sauda muwafaqat ka sabab jaanta hai yaarSamjhe mukhalif us ko kuch aghyaar kuch kaho
