مست سحر و توبہ کناں شام کا ہوں میںقاضی کے گرفتار نت اعلام کا ہوں میں
بندہ کہو خادم کو چاکر کہو مجھ کوجو کچھ کہو سو ساقیٔ گلفام کا ہوں میں
خدمت میں مجھے عشق کی ہے دل سے ارادتنے معتقد کفر نہ اسلام کا ہوں میں
یک روز حلال اس کو بھی میں کر کے نہ کھایانوکر جو خرابات میں دو جام کا ہوں میں
نے فکر ہے دنیا کی نہ دیں کا متلاشیاس ہستئ موہوم میں کس کام کا ہوں میں
یک رنگ ہوں آتی نہیں خوش مجھ کو دو رنگیمنکر سخن و شعر میں ایہام کا ہوں میں
مطلوب دعا حق میں نہیں اپنے کسو کیطالب لب محبوب سے دشنام کا ہوں میں
بندہ ہے خدا کا تو یقیں کر کہ بتاں کابندہ یہ جہاں بے زر و بے دام کا ہوں میں
ہے شیشۂ مے عینک پیری مجھے سوداؔنظارہ کن اب شیب کے ایام کا ہوں میں
— محمد رفیع سودا
Mast-e-sahar o tauba-kunan shaam ka hoon mainQazi ke giraftaar nit aalaam ka hoon main
Banda kaho, khadim kaho, chakar kaho mujh koJo kuchh kaho so saqi-e-gulfam ka hoon main
Khidmat mein mujhe ishq ki hai dil se iradatNe mu'taqid-e-kufr na Islam ka hoon main
Yak roz halal us ko bhi main kar ke na khayaNaukar jo kharabat mein do jaam ka hoon main
Ne fikr hai duniya ki na deen ka mutlashiIs hasti-e-mauhoom mein kis kaam ka hoon main
Yak rang hoon aati nahin khush mujh ko do rangiMunkir-e-sukhan o sher mein eehaam ka hoon main
Matloob dua haq mein nahin apne kisu kiTalib lab-e-mahboob se dushnam ka hoon main
Banda hai Khuda ka tu yaqeen kar ke butaan kaBanda yeh jahan be-zar o be-daam ka hoon main
Hai sheesha-e-may ainak-e-peeri mujhe SaudaNazara kun ab shaib ke ayyam ka hoon main