ہجر میں ہو گیا وصال کا کیاخواب ہی بن گیا خیال کا کیا
خود نمائی پہ خاک ڈالو تمدیکھنا شکل بے مثال کا کیا
تیری فرقت کے دن خدا کاٹےہو رہے گا کبھی وصال کا کیا
دل کے دینے میں عذر کس کو ہےجان ہی دے رہے ہیں مال کا کیا
حال اس نے ہمارا پوچھا ہےپوچھنا اب ہمارے حال کا کیا
وصل کی التجا پہ بگڑے کیوںسن کے چپ ہو رہو سوال کا کیا
دور کی عاشقی گناہ نہیںدیکھ لیتے ہیں دیکھ بھال کا کیا
زلف کو کیوں جکڑ کے باندھا ہےاس نے بوسہ لیا تھا گال کا کیا
آج تم کیوں ملول بیٹھے ہووصل دن ہے مرے وصال کا کیا
جب کہا تم سے روز ملتا ہوںہنس کے کہنے لگے خیال کا کیا
قول کے وقت شرط فرصت کیوںدخل وعدے میں احتمال کا کیا
رنج دے کر جو خوش ہو اے مضطرؔاس کو صدمہ مرے ملال کا کیا
— مضطر خیرآبادی
Hijr mein ho gaya visal ka kyaKhwab hi ban gaya khayal ka kya
Khud-numai pe khaak dalo tumDekhna shakl-e-be-misal ka kya
Teri furqat ke din Khuda kaateHo rahega kabhi visal ka kya
Dil ke dene mein uzr kis ko haiJaan hi de rahe hain maal ka kya
Haal us ne hamara poochha haiPoochhna ab hamare haal ka kya
Vasl ki iltija pe bigde kyunSun ke chup ho raho sawal ka kya
Door ki aashiqi gunah nahinDekh lete hain dekh bhaal ka kya
Zulf ko kyun jakad ke bandha haiUs ne bosa liya tha gaal ka kya
Aaj tum kyun malool baithe hoVasl din hai mere visal ka kya
Jab kaha tum se roz milta hoonHans ke kehne lage khayal ka kya
Qaul ke waqt shart-e-furqat kyunDakhl waade mein ihtemal ka kya
Ranj de kar jo khush ho aye MuztarؔUs ko sadma mere malal ka kya