ہم نے پائی لذت دیدار لیکن دور سےان کی صورت دیکھ لی سو بار لیکن دور سے
وہ دکھاتے ہیں ہمیں رخسار لیکن دور سےاس کا مطلب ہے کہ کر لو پیار لیکن دور سے
اس نے جانچا میرا درد دل مگر آیا نہ پاساس نے دیکھا میرا حال زار لیکن دور سے
روزن دیوار سے حسرت بھری آنکھیں لڑیںہو گئیں ان سے نگاہیں چار لیکن دور سے
اس نے آنے کا کیا ہے قول لیکن تا بہ دراس نے ملنے کا کیا اقرار لیکن دور سے
پاس مضطرؔ کس طرح جاتے ہجوم یاس میںہو گیا ان کا ہمیں دیدار لیکن دور سے
— مضطر خیرآبادی
Hum ne paai lazzat-e-deedar lekin door seUn ki surat dekh li sau baar lekin door se
Woh dikhate hain hamein rukhsar lekin door seIs ka matlab hai ke kar lo pyaar lekin door se
Us ne jaancha mera dard-e-dil magar aaya na paasUs ne dekha mera haal-e-zaar lekin door se
Rozan-e-deewar se hasrat bhari aankhen larinHo gayin un se nigahen chaar lekin door se
Us ne aane ka kiya hai qaul lekin ta ba darUs ne milne ka kiya iqrar lekin door se
Paas Muztarؔ kis tarah jaate hujoom-e-yaas meinHo gaya un ka hamein deedar lekin door se