کسی کے سنگ در سے اپنی میت لے کے اٹھیں گےیہی پتھر پئے تعویذ تربت لے کے اٹھیں گے
گئے وہ دن کہ ہم گرتے تھے اور ہمت اٹھاتی تھیوہ دن آیا کہ اب ہم اپنی ہمت لے کے اٹھیں گے
اگر دل ہے تو تیرا درد الفت ساتھ جائے گاکلیجا ہے تو تیرا داغ حسرت لے کے اٹھیں گے
یہ پیدا ہوتے ہی رونا صریحاً بدشگونی ہےمصیبت میں رہیں گے اور مصیبت لے کے اٹھیں گے
خط قسمت مٹاتے ہو مگر اتنا سمجھ لینایہ حرف آرزو ہاتھوں کی رنگت لے کے اٹھیں گے
مجھے اپنی گلی میں دیکھ کر وہ ناز سے بولےمحبت سے دبے جاتے ہیں حسرت لے کے اٹھیں گے
ترے کوچے میں کیوں بیٹھے فقط اس واسطے بیٹھےکہ جب اٹھیں گے اس دنیا سے جنت لے کے اٹھیں گے
ترا راز محبت لے کے آئے لے کے جائیں گےامانت لے کے بیٹھے ہیں امانت لے کے اٹھیں گے
ہمیں اس نام جپنے کا مزا اس روز آئے گاتمہارا نام جس دن زیر تربت لے کے اٹھیں گے
دم آخر ہم آنچل ان کا مضطرؔ کس طرح چھوڑیںیہی تو ہے کفن جس کی بدولت لے کے اٹھیں گے
— مضطر خیرآبادی
Kisi ke sang-e-dar se apni maiyat le ke uthengeYahi patthar paye ta'wiz-e-turbat le ke uthenge
Gaye woh din ke hum girte the aur himmat uthati thiWoh din aaya ke ab hum apni himmat le ke uthenge
Agar dil hai to tera dard-e-ulfat saath jaegaKaleja hai to tera dagh-e-hasrat le ke uthenge
Yeh paida hote hi rona sarihan bad-shaguni haiMusibat mein rahenge aur musibat le ke uthenge
Khat-e-qismat mitate ho magar itna samajh lenaYeh harf-e-aarzoo hathon ki rangat le ke uthenge
Mujhe apni gali mein dekh kar woh naaz se boleMohabbat se dabe jaate hain hasrat le ke uthenge
Tere kuche mein kyun baithe faqat is waste baitheKe jab uthenge is duniya se jannat le ke uthenge
Tera raaz-e-mohabbat le ke aaye le ke jaengeAmanat le ke baithe hain amanat le ke uthenge
Hamein us naam japne ka maza us roz aayegaTumhara naam jis din zer-e-turbat le ke uthenge
Dam-e-akhir hum aanchal un ka Muztarؔ kis tarah chhorenYahi to hai kafan jis ki badaulat le ke uthenge