محبت غیر سے کی ہے تو میرا مدعا لے لومرے دل پہ گزرتی کیا ہے اس کا بھی مزا لے لو
جو کہتا ہوں جفائیں چھوڑ دو عہد وفا لے لوتو کہتے ہیں خدا سے تم مقدر دوسرا لے لو
جو پوچھا چھوڑ دوں الفت تو بولے اس سے کیا ہوگاجو پوچھا اپنا دل لے لوں تو جھنجھلا کر کہا لے لو
جناب خضر راہ عشق میں لڑنے سے کیا حاصلمیں اپنا راستہ لے لوں تم اپنا راستہ لے لو
شب فرقت جو درد دل سے مضطرؔ دم الجھتا ہےقضا کہتی ہے گھبراؤ نہیں مجھ سے دوا لے لو
— مضطر خیرآبادی
Mohabbat ghair se ki hai to mera muddaa le loMere dil pe guzarti kya hai is ka bhi maza le lo
Jo kahta hoon jafayein chhod do ahd-e-wafa le loTo kahte hain Khuda se tum muqaddar doosra le lo
Jo poochha chhod doon ulfat to bole is se kya hogaJo poochha apna dil le loon to jhanjhala kar kaha le lo
Janab-e-Khizr rah-e-ishq mein ladne se kya hasilMain apna rasta le loon tum apna rasta le lo
Shab-e-furqat jo dard-e-dil se Muztar dam ulajhta haiQaza kahti hai ghabrao nahin mujh se dawa le lo
