عمر کاٹی بتوں کی آڑوں میںبن کے پتھر رہا پہاڑوں میں
وہ لڑائی میں بول اٹھے مجھ سےبات اچھی بنی بگاڑوں میں
درد سر کے علاج کو وحشتکھینچ کر لے چلی پہاڑوں میں
مستیاں اور بہار کا موسممے کی لذت گلابی جاڑوں میں
دختر رز کی شرم تو دیکھوچھپ گئی جا کے خم کی آڑوں میں
تو نے پی ہی نہیں ہے اے زاہدمے کی گرمی نہ پوچھ جاڑوں میں
تیرے گیسو بھی ہو گئے شاملمیری تقدیر کے بگاڑوں میں
مرگ دشمن پہ موت روتی ہےیہ اثر ہے تری پچھاڑوں میں
اٹھتے جوبن پہ کھل پڑے گیسوآ کے جوگی بسے پہاڑوں میں
وہ گلے سے لپٹ کے سوتے ہیںآج کل گرمیاں ہیں جاڑوں میں
عشق میں جان پر بنی مضطرؔزندگی کٹ گئی بگاڑوں میں
— مضطر خیرآبادی
Umr kaati buton ki aadon meinBan ke patthar raha pahadon mein
Woh ladai mein bol uthe mujh seBaat achchhi bani bigadon mein
Dard-e-sar ke ilaaj ko vahshatKhench kar le chali pahadon mein
Mastiyan aur bahar ka mausamMai ki lazzat gulabi jadon mein
Dukhtar-e-raz ki sharm to dekhoChhup gai ja ke khum ki aadon mein
Tu ne pi hi nahin hai ae ZahidMai ki garmi na poochh jadon mein
Tere gaisu bhi ho gaye shamilMeri taqdeer ke bigadon mein
Marg-e-dushman pe maut roti haiYeh asar hai teri pachhadon mein
Uthte joban pe khul pade gaisuAa ke jogi base pahadon mein
Woh gale se lipat ke sote hainAaj kal garmiyan hain jadon mein
Ishq mein jaan par bani MuztarZindagi kat gai bigadon mein