زیر زمیں رہوں کہ تہہ آسماں رہوںاے جستجوئے یار بتا میں کہاں رہوں
مصروف شکر نعمت پیر مغاں رہوںاللہ مجھ کو یوں ہی پلائے جہاں رہوں
گھل کر بھی جانب در پیر غاں رہوںموج شراب ناب بنوں اور رواں رہوں
یارب حریق شعلۂ عشق بتاں رہوںدوزخ کی آگ لے کے مقیم جناں رہوں
ظالم یہ بزم حسن کا اچھا رواج ہےتو شمع ہو کے بھی نہ جلے میں تپاں رہوں
اے چشم یار موت کا پہلو بچا کے توایسی نگاہ ڈال کہ میں نیم جاں رہوں
آب حیات پی کے خضر کیا یہاں رہےمیں ٹھان لوں تو کچھ نہ پیوں اور یہاں رہوں
بن جائیں میری طرز فنا کی کہانیاںایسا مٹا کہ صاحب نام و نشاں رہوں
ساقی وہ خاص طور کی تعلیم دے مجھےاس میکدے میں جاؤں تو پیر مغاں رہوں
مضطرؔ وجود ذات نے گھر تک بھی لے لیاجب خود وہ ہر جگہ ہے تو اب میں کہاں رہوں
— مضطر خیرآبادی
Zair-e-zameen rahoon ki tah-e-aasman rahoonAe justaju-e-yaar bata main kahaan rahoon
Masroof-e-shukr-e-nemat Peer-e-mughan rahoonAllah mujh ko yoon hi pilaye jahan rahoon
Gul kar bhi jaanib-e-dar-e-Peer-e-mughan rahoonMauj-e-sharab-e-naab banun aur rawaan rahoon
Ya Rabb hareeq-e-shola-e-ishq-e-butan rahoonDozakh ki aag le ke muqeem-e-jinan rahoon
Zalim yeh bazm-e-husn ka achchha riwaaj haiTu shama ho ke bhi na jale main tapaan rahoon
Ae chashm-e-yaar maut ka pahlu bacha ke tuAisi nigah daal ki main neem jaan rahoon
Aab-e-hayat pi ke Khizr kya yahan raheMain thaan loon to kuchh na piyoon aur yahan rahoon
Ban jayen meri tarz-e-fana ki kahaniyanAisa mita ki sahib-e-naam-o-nishan rahoon
Saqi woh khas taur ki taleem de mujheIs maikade mein jaaoon to Peer-e-mughan rahoon
Muztar wajood-e-zaat ne ghar tak bhi le liyaJab khud woh har jagah hai to ab main kahaan rahoon