چھجے ہیں سائبان ہیں آگے بڑھے ہوئے – نصیر احمد ناصر

چھجے ہیں سائبان ہیں آگے بڑھے ہوئےگلیوں کے سب مکان ہیں آگے بڑھے ہوئے

پس ماندگی عوام کے پیچھے پڑی ہوئیدو چار خاندان ہیں آگے بڑھے ہوئے

رستہ تو رک گیا ہے سر منزل گماںقدموں کے کچھ نشان ہیں آگے بڑھے ہوئے

گھیرا ہوا ہے چاروں طرف سے زمین کوحد سے یہ آسمان ہیں آگے بڑھے ہوئے

خود چل کے آ گیا ہے نشانہ قریب ترحیرت سے دید بان ہیں آگے بڑھے ہوئے

پیچھے کمان دار پریشان ہے بہتپلٹن کے کچھ جوان ہیں آگے بڑھے ہوئے

آیا ہوں دوستوں سے ملاقات کے لئےکیوں تیر اور کمان ہیں آگے بڑھے ہوئے

آتا نہیں شکار شکاری کے سامنےجنگل سے کچھ مچان ہیں آگے بڑھے ہوئے

مٹی کے سب ظروف ہیں پیچھے رکھے ہوئےشیشے کے مرتبان ہیں آگے بڑھے ہوئے

— نصیر احمد ناصر

کس نے پڑھا

یہ کلام محفلوں میں