میں سوچتا رہتا ہوں دماغوں میں نہیں جو – نصیر احمد ناصر

میں سوچتا رہتا ہوں دماغوں میں نہیں جوہے کون سا وہ پھول کہ باغوں میں نہیں جو

ہوتی ہے کسی دیدۂ نمناک کی لو سےوہ روشنی کیسی ہے چراغوں میں نہیں جو

دیکھو نہ مرا جسم مری روح جلی تھییہ داغ ہے وہ جلد کے داغوں میں نہیں جو

پانی میں زمینوں پہ ہوا میں اسے کھوجاوہ کیسا نشاں ہے کہ سراغوں میں نہیں جو

اک کار مسلسل ہے اسے چاہتے رہنالطف اس کا لگاتار ہے ناغوں میں نہیں جو

اس محفل احباب کی سرشاری عجب ہےوہ مے بھی چھلک جائے ایاغوں میں نہیں جو

رنگت ہی نہیں آب و ہوا کا بھی اثر ہےبگلوں میں کوئی بات ہے زاغوں میں نہیں جو

ناصرؔ ہیں عجب بولیاں طاؤس زماں کیاشجار کے پر غول کلاغوں میں نہیں جو

— نصیر احمد ناصر

کس نے پڑھا

یہ کلام محفلوں میں