شب کی پہنائیوں میں چیخ اٹھےدرد تنہائیوں میں چیخ اٹھے
تہ بہ تہ منجمد تھکن جاگیجسم انگڑائیوں میں چیخ اٹھے
دھوپ جب آئینہ بدست آئیعکس بینائیوں میں چیخ اٹھے
میں سمندر ہوں کوئی تو سیپیمیری گہرائیوں میں چیخ اٹھے
رت جگے تن گئے دریچوں پرخواب انگنائیوں میں چیخ اٹھے
جب پہاڑوں پہ برف گرنے لگےکوئی اترائیوں میں چیخ اٹھے
جب پکارا کسی مسافر نےراستے کھائیوں میں چیخ اٹھے
کچھ خموشی سے دیکھتے تھے مجھےکچھ تماشائیوں میں چیخ اٹھے
رات بھر خواب دیکھنے والےدن کی سچائیوں میں چیخ اٹھے
— نصیر احمد ناصر
Shab ki pahnaiyon mein chikh utheDard tanhaiyon mein chikh uthe
Tah-ba-tah munjamid thakan jagiJism angdaiyon mein chikh uthe
Dhup jab aaina-ba-dast aai'Aks binaiyon mein chikh uthe
Main samundar hun koi tu sipiMeri gahraiyon mein chikh uthe
Ratjage tan gae darichon parKhwab angnaiyon mein chikh uthe
Jab pahadon pe barf girne lageKoi utraiyon mein chikh uthe
Jab pukara kisi musafir neRaste khaiyon mein chikh uthe
Kuchh khamoshi se dekhte the mujheKuchh tamashaiyon mein chikh uthe
Raat bhar khwab dekhne waleDin ki sachchaiyon mein chikh uthe
