اپنی آغوش فراغت میں پڑا رہتا ہوںوقت اتنا ہے کہ حیرت میں پڑا رہتا ہوں
آ بتاتا ہوں تجھے کتنی حسیں ہے دنیامیں جہاں تیری محبت میں پڑا رہتا ہوں
تو مجھے جانتا ہے اور بہت جانتا ہےبس اسی نشۂ شہرت میں پڑا رہتا ہوں
تجھ سے ملنے کا بھی امکان زیاں لگتا ہےجانے کس عالم وحشت میں پڑا رہتا ہوں
جاری و ساری ہے بس ایک تمنا کا طوافرات دن حجرۂ حسرت میں پڑا رہتا ہوں
ہاتھ اپنے نہیں بڑھتے کسی خواہش کی طرفخاک اڑتی ہے تو خلوت میں پڑا رہتا ہوں
مجھ کو باندھا ہے کسی شام کی رقاصہ نےسرمئی حسن کی چاہت میں پڑا رہتا ہوں
جسم کی جاگتی دنیا میں اندھیرا کر کےمیں کہ بس روح کی دہشت میں پڑا رہتا ہوں
— نعمان شوق
Apni aaghosh-e-faraghat mein pada rehta hoonWaqt itna hai ke hairat mein pada rehta hoon
Aa batata hoon tujhe kitni haseen hai duniyaMain jahan teri mohabbat mein pada rehta hoon
Tu mujhe jaanta hai aur bohut jaanta haiBas isi nasha-e-shohrat mein pada rehta hoon
Tujh se milne ka bhi imkaan ziyaan lagta haiJane kis alam-e-wahshat mein pada rehta hoon
Jaari-o-saari hai bas ek tamanna ka tawafRaat din hujra-e-hasrat mein pada rehta hoon
Haath apne nahin badhte kisi khwahish ki tarafKhaak udti hai toh khalwat mein pada rehta hoon
Mujh ko baandha hai kisi shaam ki raqasa neSurmayi husn ki chahat mein pada rehta hoon
Jism ki jaagti duniya mein andhera kar keMain ke bas rooh ki dahshat mein pada rehta hoon