ایک آیت پڑھ کے اپنے آپ پر دم کر دیاہم نے ہر چہرے کی جانب دیکھنا کم کر دیا
احتراماً اس کے قدموں میں جھکا نادان میںاس نے میرا قد ہمیشہ کے لیے کم کر دیا
مجھ سے اوروں کی جدائی بھی سہی جاتی نہیںمیں نے دو بھیگی ہوئی پلکوں کو باہم کر دیا
کھل رہے ہیں مجھ میں دنیا کے سبھی نایاب پھولاتنی سرکش خاک کو کس ابر نے نم کر دیا
کر رہے تھے عشق میں سود و زیاں کا وہ حسابان کے تخمینے نے میرا درد بھی کم کر دیا
ساتھ جتنی دیر رہ لوں کون سا کھلتا ہے وہاس نے دانستہ مرے شعروں کو مبہم کر دیا
— نعمان شوق
Ek aayat padh ke apne aap par dam kar diyaHum ne har chehre ki jaanib dekhna kam kar diya
Ehtiraman us ke qadmon mein jhuka nadaan mainUs ne mera qadd hamesha ke liye kam kar diya
Mujh se auron ki judai bhi sahi jaati nahinMain ne do bheegi hui palkon ko baham kar diya
Khil rahe hain mujh mein duniya ke sabhi nayab phoolItni sarkash khaak ko kis abr ne nam kar diya
Kar rahe the ishq mein sood-o-ziyan ka wo hisabUn ke takhmine ne mera dard bhi kam kar diya
Saath jitni der reh lun kaun sa khulta hai woUs ne daanista mere sheron ko mubham kar diya