نظم بہت آسان تھی پہلےگھر کے آگے
پیپل کی شاخوں سے اچھل کےآتے جاتے
بچوں کے بستوں سے نکل کےرنگ بہ رنگی
چڑیوں کی چہکار میں ڈھل کےنظم مرے گھر جب آتی تھی
میرے قلم سے، جلدی جلدیخود کو پورا لکھ جاتی ہے
اب سب منظربدل چکے ہیں
چھوٹے چھوٹے چوراہوں سےچوڑے رستے نکل چکے ہیں
نئے نئے بازارپرانے گلی محلے نگل چکے ہیں
نظم سے مجھ تکاب کوسوں لمبی دوری ہے
ان کوسوں لمبی دوری میںکہیں اچانک
بم پھٹتے ہیںکوکھ میں ماؤں کے
سوتے بچے کٹتے ہیںمذہب اور سیاست
دونوںنئے نئے نعرے رٹتے ہیں
بہت سے شہروںبہت سے ملکوں سے
اب چل کرنظم مرے گھر جب آتی ہے
اتنی زیادہ تھک جاتی ہےمیرے لکھنے کی ٹیبل پر
خالی کاغذ کوخالی ہی چھوڑ کے رخصت ہو جاتی ہے
اور کسی فٹ پاتھ پہ جا کرشہر کے سب سے بوڑھے شہری کی
پلکوں پر!آنسو بن کر سو جاتی ہے
— ندا فاضلی
Nazm bahut aasaan thi pehleGhar ke aage
Peepal ki shaakhon se uchhal keAate jaate
Bachchon ke baston se nikal keRang ba-rangi
Chidiyon ki chehkaar mein dhal keNazm mere ghar jab aati thi
Mere qalam se, jaldi jaldiKhud ko poora likh jaati hai
Ab sab manzarBadal chuke hain
Chhote chhote chaurahon seChaudey raste nikal chuke hain
Naye naye bazaarPuraane gali muhalle nigal chuke hain
Nazm se mujh takAb koson lambi doori hai
In koson lambi doori meinKahin achaanak
Bomb phat-te hainKokh mein maaon ke
Sote bachche kat-te hainMazhab aur siyasat
DonoNaye naye naare rat-te hain
Bahut se shehronBahut se mulkon se
Ab chal karNazm mere ghar jab aati hai
Itni zyaada thak jaati haiMere likhne ki table par
Khaali kaaghaz koKhaali hi chhod ke rukhsat ho jaati hai
Aur kisi footpath pe ja karShehar ke sab se boodhe shehri ki
Palkon par!Aansu ban kar so jaati hai