مجھ کو دنیا کی تمنا ہے نہ دیں کا لالچہائے لالچ ہے تو اک ماہ جبیں کا لالچ
عشق بازی پہ سنا مجھ کو ملامت نہ کروحیف ہے جس کو نہ ہو تم سے حسیں کا لالچ
حالت قلب سر بزم بتاؤں کیوں کرپردۂ دل میں ہے اک پردہ نشیں کا لالچ
جب یہیں طیش میں گزرے تو وہاں کیا امیدنہ رہا اس لئے ہم کو تو کہیں کا لالچ
بوریا تخت سلیماں سے کہیں بہتر ہےہم غریبوں کو نہیں تاج و نگیں کا لالچ
نہ میں دنیا کا طلب گار نہ عقبیٰ کی ہوسآسمانوں کی تمنا نہ زمیں کا لالچ
دل بھی دو جان بھی دو زر بھی دو اس کو پرویںؔبڑھ گیا سب سے مرے ماہ جبیں کا لالچ
— پروین ام مشتاق
Mujh ko duniya ki tamanna hai na deen ka lalachHaaye lalach hai to ik maah-jabeen ka lalach
Ishq baazi pe suna mujh ko malaamat na karoHaif hai jis ko na ho tum se haseen ka lalach
Haalat-e-qalb sar-e-bazm bataun kyun karParda-e-dil mein hai ik parda-nasheen ka lalach
Jab yahin taish mein guzre to wahan kya umeedNa raha is liye hum ko to kahin ka lalach
Boriya takht-e-suleiman se kahin behtar haiHum ghareebon ko nahin taj o nageen ka lalach
Na main duniya ka talabgaar na uqba ki hawasAasmanon ki tamanna na zameen ka lalach
Dil bhi do jaan bhi do zar bhi do us ko ParveenؔBadh gaya sab se mere maah-jabeen ka lalach
