حقیقت اور ہی کچھ ہے مگر ہم کیا سمجھتے ہیںجو اپنا ہو نہیں سکتا اسے اپنا سمجھتے ہیں
یہ درس اولیں مجھ کو ملا میرے بزرگوں سےبہت چھوٹے ہیں وہ اوروں کو جو چھوٹا سمجھتے ہیں
نہ جانے کیوں ہماری ان کی اک پل بھی نہیں بنتیجو اپنا قبلۂ دل دولت دنیا سمجھتے ہیں
خدا و مصطفٰی سے ہٹ کے وہ ہیں سخت دھوکے میںجو اپنی ذات کو تنقید سے بالا سمجھتے ہیں
برے اچھوں کو بھی اچھا نہیں گردانتے لیکنجو اچھے ہیں برے لوگوں کو بھی اچھا سمجھتے ہیں
نہ پوچھو کچھ کہ کیا دے دیا ہے دینے والے نےبڑا ہو لاکھ کوئی ہم کسی کو کیا سمجھتے ہیں
بظاہر خوش تھے جو کل تک ہماری گل فشانی پروہ اپنے بھی ہمیں اب راہ کا کانٹا سمجھتے ہیں
قیامت سر پہ جو ٹوٹے مصیبت دل پہ جو آئےحقیقت میں اسے ہم مرضیٔ مولا سمجھتے ہیں
لگا دی تہمت بادہ کشی ان پر بھی واعظ نےنصیرؔ ان کی نظر کو جو مے و مینا سمجھتے ہیں
— پیر نصیرالدین
Haqeeqat aur hi kuch hai magar hum kya samajhte hainJo apna ho nahin sakta use apna samajhte hain
Yeh dars-e-awwaleen mujh ko mila mere buzurgon seBahut chhote hain woh auron ko jo chhota samajhte hain
Na jaane kyun hamari un ki ik pal bhi nahin bantiJo apna qibla-e-dil daulat-e-duniya samajhte hain
Khuda o Mustafa se hat ke woh hain sakht dhoke meinJo apni zaat ko tanqeed se bala samajhte hain
Bure achchhon ko bhi achcha nahin gardante lekinJo achchhe hain bure logon ko bhi achcha samajhte hain
Na poochho kuch ke kya de diya hai dene wale neBada ho lakh koi hum kisi ko kya samajhte hain
Ba-zahir khush the jo kal tak hamari gul-fishani parWoh apne bhi hamein ab raah ka kaanta samajhte hain
Qayamat sar pe jo toote, museebat dil pe jo aayeHaqeeqat mein use hum marzi-e-Maula samajhte hain
Laga di tohmat-e-bada-kashi un par bhi wa'iz neNaseer un ki nazar ko jo mai o meena samajhte hain
