جو آستاں سے ترے لَو لگائے بیٹھے ہیںخدا گواہ، وہ دنیا پہ چھائے بیٹھے ہیں
چمک رہی ہیں جبینیں ترے فقیروں کیتجلّیات کے سہرے سجائے بیٹھےہیں
خدا کے واسطے اب کھول اُن پہ بابِ عطاجو دیر سے تری چوکھٹ پہ آئے بیٹھے ہیں
جلائے گی اُنہیں اب کیا چمن میں برقِ فلکجو آشیانہء ہستی جلائے بیٹھے ہیں
بڑے بڑوں کے سَروں سے اُتر رہا ہے خُماروہ آج خیر سے محفل پہ چھائے بیٹھے ہیں
جہاں بھی جائیے اُن کے سِتم کا چرچا ہےوہ ساری خلق میں طوفاں اُٹھائے بیٹھے ہیں
مجال ہےجو کوئی لب ہِلے سرِ محفلوہ ایک ایک کو آنکھیں دِکھائے بیٹھے ہیں
یہ ایک ہم ہیں کہ اپنوں کے دِل نہ جیت سکےوہ دشمنوں کو بھی اپنا بنائے بیٹھے ہیں
اجل بھی ہم کو اُٹھانے پہ اب نہیں قادریہاں ہم آج کسی کے بِٹھائے بیٹھے ہیں
وفا کے نام پہ، دشمن کا امتحاں بھی سہیکہ دوستوں کو تو ہم آزمائے بیٹھے ہیں
نصؔیر! ہم میں تواپنوں کی کوئی بات نہیںکرم ہے اُن کا، جو اپنا بنائے بیٹھے ہیں
— پیر نصیرالدین
Jo aastaan se tere lau lagaye baithe hainKhuda gawah, woh duniya pe chhaye baithe hain
Chamak rahi hain jabeenein tere faqiron kiTajalliyat ke sehre sajaye baithe hain
Khuda ke waaste ab khol un pe baab-e-ataJo der se teri chaukhat pe aaye baithe hain
Jalayegi unhein ab kya chaman mein barq-e-falakJo aashiyana-e-hasti jalaye baithe hain
Bade badon ke saron se utar raha hai khumarWoh aaj khair se mehfil pe chhaye baithe hain
Jahan bhi jaaiye un ke sitam ka charcha haiWoh saari khalq mein toofaan uthaye baithe hain
Majaal hai jo koi lab hile sir-e-mehfilWoh ek ek ko aankhein dikhaye baithe hain
Yeh ek hum hi hain ke apnon ke dil na jeet sakeWoh dushmanon ko bhi apna banaye baithe hain
Ajal bhi hum ko uthane pe ab nahin qaadirYahan hum aaj kisi ke bithaye baithe hain
Wafa ke naam pe, dushman ka imtehan bhi sahiKe doston ko to hum aazmaye baithe hain
Naseer! Hum mein to apnon ki koi baat nahinKaram hai un ka, jo apna banaye baithe hain
