یہ نظر کی زد ہے ظالم مرا دم نکل نہ جائےمجھے صرف اس کا ڈر ہے کہ یہ تیر چل نہ جائے
وہ اٹھی ہے آتش غم کی نفس نفس ہے سوزاںمری روح تپ نہ اٹھے مرا جسم جل نہ جائے
مرے رازداں سے ہنس کر وہ خطاب کر رہے ہیںکہیں تھپکیوں میں آکر کوئی راز اگل نہ جائے
تری بزم میں جو ہم ہیں تو یہاں پہ غیر کیوں ہویہ خلش نکل نہ جائے یہ عذاب ٹل نہ جائے
وہ اٹھا رہے ہیں چلمن وہ دکھا رہے ہیں صورتکہیں ہوش اڑ نہ جائیں کہیں دل مچل نہ جائے
میں چراغ ناتواں ہوں کوئی دم کا میہماں ہوںمرے سامنے سے اٹھ کر کوئی ایک پل نہ جائے
وہ نصیرؔ سن رہے ہیں مرے درد کا فسانہمجھے ہر گھڑی ہے دھڑکا کہیں رخ بدل نہ جائے
— پیر نصیرالدین
Ye nazar ki zad hai zaalim mera dam nikal na jaayeMujhe sirf is ka dar hai ke ye teer chal na jaaye
Wo uthi hai aatish-e-gham ki nafas nafas hai soz-aanMeri rooh tap na uthe mera jism jal na jaaye
Mere raazdaan se hans kar wo khitaab kar rahe hainKahin thapkion mein aakar koi raaz ugal na jaaye
Teri bazm mein jo hum hi hain to yahan pe ghair kyun hoYe khalish nikal na jaaye ye azaab tal na jaaye
Wo utha rahe hain chilman wo dikha rahe hain sooratKahin hosh ud na jaaein kahin dil machal na jaaye
Main charaagh-e-natavaan hoon koi dam ka mehmaan hoonMere samne se uth kar koi ek pal na jaaye
Wo Naseerؔ sun rahe hain mere dard ka fasanaMujhe har ghadi hai dhadka kahin rukh badal na jaaye
