اب حرف تمنا کو سماعت نہ ملے گیبیچوگے اگر خواب تو قیمت نہ ملے گی
تشہیر کے بازار میں اے تازہ خریدارزیبائشیں مل جائیں گی قامت نہ ملے گی
لمحوں کے تعاقب میں گزر جائیں گی صدیاںیوں وقت تو مل جائے گا مہلت نہ ملے گی
سوچا ہی نہ تھا یوں بھی اسے یاد رکھیں گےجب اس کو بھلانے کی بھی فرصت نہ ملے گی
تا عمر وہی کار زیاں عشق رہا یادحالانکہ یہ معلوم تھا اجرت نہ ملے گی
تعبیر نظر آنے لگی خواب کی صورتاب خواب ہی دیکھو گے بشارت نہ ملے گی
آئینہ صفت وقت ترا حسن ہیں ہم لوگکل آئنے ترسیں گے تو صورت نہ ملے گی
— پیرزادہ قاسم
Ab harf-e-tamanna ko sama'at na milegiBechoge agar khwab to qeemat na milegi
Tashheer ke bazaar mein ae taza khareedarZebaishein mil jayengi qamat na milegi
Lamhon ke ta'aqub mein guzar jayengi sadiyanYun waqt to mil jayega mohlat na milegi
Socha hi na tha yun bhi use yaad rakhengeJab us ko bhulane ki bhi fursat na milegi
Ta umr wahi kaar-e-ziyan ishq raha yaadHalanke yeh maloom tha ujrat na milegi
Taabeer nazar aane lagi khwab ki suratAb khwab hi dekhoge basharat na milegi
Aaina sifat waqt tera husn hain hum logKal aainey tarsenge to surat na milegi