عشق نے ہم کو جنوں آثار ایسا کر دیا – پیرزادہ قاسم

عشق نے ہم کو جنوں آثار ایسا کر دیابستۂ ساحل بھی رکھا اور دریا کر دیا

اس گلستان گماں میں ہم بھی تھے مانند خوابگرمیٔ اندیشہ نے ہم کو بھی صحرا کر دیا

دیدۂ خوش بیں کی یہ اعجاز فرمائی تو دیکھکیسے مبہم خال و خط کو ایک چہرا کر دیا

یہ جہاں پنہاں تھا اک بے منظری کی خاک میںہم نے چشم شوق سے دیکھا تو دنیا کر دیا

روشنیٔ طبع نے روشن کیا ہے اک جہاںاور مجھے اس آئنہ خانے میں تنہا کر دیا

جب کبھی شب زاد لمحے گھیرنے آئے ہمیںہم نے شمع جاں جلائی اور سویرا کر دیا

یہ کرامت بھی عجب اس کی مسیحائی میں ہےجو بہ ظاہر بھر دیا وہ زخم گہرا کر دیا

منتظر تھا وقت سو ہم نے بہ انداز سخنآرزو کا اک جہان تازہ پیدا کر دیا

— پیرزادہ قاسم