اس کی خواہش ہے یہی حرف وضاحت کے بغیر – پیرزادہ قاسم

اس کی خواہش ہے یہی حرف وضاحت کے بغیراب کوئی خواب بھی دیکھے نہ اجازت کے بغیر

ہم کو ڈھونڈو تو ہمیں کھونے کی خاطر ڈھونڈوخواب تعبیر نہیں ہوتے ہیں حسرت کے بغیر

دل کو اک کار مسلسل نے رکھا ہے آبادایک لمحہ بھی نہیں گزرا محبت کے بغیر

یوں بھی دشوار ہے آسودۂ صحرا ہونااور جب خاک بھی ہو جانا ہو وحشت کے بغیر

وقت سفاک ہے اتنا کبھی سوچا بھی نہ تھاہم اسے یاد نہ کر پائیں گے زحمت کے بغیر

ہم ترے قریۂ جاں تاب میں اتنا ٹھہرےیعنی اک لمحہ گزار آئے ہیں عجلت کے بغیر

اب تو ہم خود سے بھی کم کم ہی ملا کرتے ہیںکسی خواہش سے الگ اور ضرورت کے بغیر

— پیرزادہ قاسم