رقص کرنے کا ملا حکم جو دریاؤں میںہم نے خوش ہو کے بھنور باندھ لئے پاؤں میں
ان کو بھی ہے کسی بھیگے ہوئے منظر کی تلاشبوند تک بھی نہ بو سکے جو کبھی صحراؤں میں
اے مرے ہم سفرو تم بھی تھکے ہارے ہودھوپ کی تم تو ملاوٹ نہ کرو چھاؤں میں
جو بھی آتا ہے بتاتا ہے نیا کوئی علاجبٹ نہ جائے ترا بیمار مسیحاؤں میں
حوصلہ کس میں ہے یوسف کی خریداری کااب تو مہنگائی کے چرچے ہیں زلیخاؤں میں
جس برہمن نے کہا ہے کہ یہ سال اچھا ہےاس کو دفناؤ مرے ہاتھ کی ریکھاؤں میں
وہ خدا ہے کسی ٹوٹے ہوئے دل میں ہوگامسجدوں میں اسے ڈھونڈو نہ کلیساؤں میں
ہم کو آپس میں محبت نہیں کرنے دیتےاک یہی عیب ہے اس شہر کے داناؤں میں
مجھ سے کرتے ہیں قتیلؔ اس لئے کچھ لوگ حسدکیوں مرے شعر ہیں مقبول حسیناؤں میں
— قتیل شفائی
Raqs karne ka mila hukm jo daryaaon meinHum ne khush ho ke bhanwar baandh liye paaon mein
In ko bhi hai kisi bhege hue manzar ki talashBoond tak bhi na bo sake jo kabhi sehraaon mein
Ae mere humsafaron tum bhi thake haare hoDhoop ki tum to milaawat na karo chhaaon mein
Jo bhi aata hai batata hai naya koi ilaajBat na jaaye tera beemar maseehaon mein
Hausla kis mein hai Yousuf ki khareedari kaAb to mehngai ke charche hi hain Zulekhaon mein
Jis Brahman ne kaha hai ke yeh saal achha haiUs ko dafnaao mere haath ki rekhaon mein
Woh Khuda hai kisi toote hue dil mein hogaMasjidon mein usay dhoondo na kaleesaaon mein
Ham ko aapas mein mohabbat nahin karne deteEk yehi aib hai is sheher ke danaaon mein
Mujh se karte hain Qateel is liye kuch log hasadKyun mere shair hain maqbool haseenaaon mein
