ڈوبنے والو ہواؤں کا ہنر کیسا لگایہ کنارا یہ سمندر یہ بھنور کیسا لگا
پونچھتے جائیے دامن سے لہو ماتھے کاسوچتے جائیے دیوار کو سر کیسا لگا
ہٹ گئی چھاؤں مگر لوگ وہیں بیٹھے ہیںدشت کی دھوپ میں جانے وہ شجر کیسا لگا
در و دیوار ہیں میں ہوں مری تنہائی ہےچاندنی رات سے پوچھو مرا گھر کیسا لگا
اس سے پہلے کبھی پونچھے تھے کسی نے آنسوان کا دامن تجھے اے دیدۂ تر کیسا لگا
سہل تھیں مرحلۂ ترک وفا تک راہیںاس سے آگے کوئی پوچھے کہ سفر کیسا لگا
آنکھ سے دیکھ لیا ترک وطن کا منظرگھر جہاں چھوڑ گئے تھے وہ کھنڈر کیسا لگا
وہ مجھے سن کے بڑی دیر سے چپ ہے قیصرؔجانے اس کو مری غزلوں کا ہنر کیسا لگا
— قیصر الجعفری
Doobne walo hawaon ka hunar kaisa lagaYe kinara ye samundar ye bhanwar kaisa laga
Poonchhte jaiye daman se lahoo mathe kaSochte jaiye deewar ko sar kaisa laga
Hat gayi chhaon magar log wahin baithe hainDasht ki dhoop mein jaane woh shajar kaisa laga
Dar-o-deewar hi hain main hun meri tanhai haiChandni raat se poochho mera ghar kaisa laga
Is se pehle kabhi poonchhe the kisi ne aansuUn ka daman tujhe aye deeda-e-tar kaisa laga
Sehal theen marhala tark-e-wafa tak raheinIs se aage koi poochhe ke safar kaisa laga
Aankh se dekh liya tark-e-watan ka manzarGhar jahan chhod gaye the woh khandhar kaisa laga
Woh mujhe sun ke badi der se chup hai QaisarJaane us ko meri ghazlon ka hunar kaisa laga