گھر بسا کر بھی مسافر کے مسافر ٹھہرے – قیصر الجعفری

گھر بسا کر بھی مسافر کے مسافر ٹھہرےلوگ دروازوں سے نکلے کہ مہاجر ٹھہرے

دل کے مدفن پہ نہیں کوئی بھی رونے والااپنی درگاہ کے ہم خود ہی مجاور ٹھہرے

اس بیاباں کی نگاہوں میں مروت نہ رہیکون جانے کہ کوئی شرط سفر پھر ٹھہرے

پتیاں ٹوٹ کے پتھر کی طرح لگتی ہیںان درختوں کے تلے کون مسافر ٹھہرے

خشک پتے کی طرح جسم اڑا جاتا ہےکیا پڑی ہے جو یہ آندھی مری خاطر ٹھہرے

شاخ گل چھوڑ کے دیوار پہ آ بیٹھے ہیںوہ پرندے جو اندھیروں کے مسافر ٹھہرے

اپنی بربادی کی تصویر اتاروں کیسےچند لمحوں کے لیے بھی نہ مناظر ٹھہرے

تشنگی کب کے گناہوں کی سزا ہے قیصرؔوہ کنواں سوکھ گیا جس پہ مسافر ٹھہرے

— قیصر الجعفری