تم سے دو حرف کا خط بھی نہیں لکھا جاتا – قیصر الجعفری

تم سے دو حرف کا خط بھی نہیں لکھا جاتاجاؤ اب یوں بھی تعلق نہیں توڑا جاتا

دل کا احوال نہ پوچھو کہ بہت روز ہوئےاس خرابے کی طرف میں نہیں آتا جاتا

تشنگی نے کبھی دریاؤں سے ملنے نہ دیاہم جدھر جاتے اسی راہ میں صحرا جاتا

زندگی! رہنے بھی دے سوچ کی حد ہوتی ہےاتنا سوچا ہے کہ صدیوں میں نہ سوچا جاتا

اس کو انداز تغافل بھی نہ آیا اب تکبھولنے ہی کو سہی یاد تو رکھا جاتا

ہائے وہ دور کہ آنسو بھی نہ تھے آنکھوں میںاور چہرا تھا کہ بے روئے بھی بھیگا جاتا

بھولتا ہی نہیں وہ مرحلۂ راز و نیازہم مناتے تو کوئی اور بھی روٹھا جاتا

پس دیوار کا منظر بھی گیا اپنے ساتھصحن ویران سے پتھر کہاں پھینکا جاتا

شام ہوتے ہی کوئی شمع جلا رکھنی تھیجب دریچے سے ہوا آتی تو دیکھا جاتا

روشنی اپنے گھروندوں میں چھپی تھی ورنہشہر کے شہر پہ شب خون نہ مارا جاتا

اتنے آنسو مری آنکھوں میں کہاں تھے قیصرؔعمر بھر دل کے جنازے پہ جو رویا جاتا

— قیصر الجعفری