دل لگی غیروں سے بے جا ہے مری جاں چھوڑ دےمان کہنا تیرے صدقے تیرے قرباں چھوڑ دے
عاشق جاں باز کیوں کر کوئے جاناں چھوڑ دےاپنا آ گھر کس طرح شیر نیستاں چھوڑ دے
یہ نہیں کہتا کہ صیاد اب مجھے آزاد کردو گھڑی کو بہر گلگشت گلستاں چھوڑ دے
کون کافر پھر کرے سجدہ خدا کے سامنےکہہ تو بیٹھے مجھ سے وہ بت اپنا ایماں چھوڑ دے
تنگ ہوں دق ہوں کوئی دم میں نکل جائے گا دمچھوڑ دے دست جنوں میرا گریباں چھوڑ دے
غیر ممکن ہے جو بھولوں گھر ترا اے رشک حورمجھ کو جنت میں اگر لے جا کے رضواں چھوڑ دے
غمزۂ بے جا نہیں اٹھتے پھنکا جاتا ہے دلگرمیاں اپنی تو اے مہر درخشاں چھوڑ دے
پھر پھنسوں میں دام گیسو میں تو کافر جانیوچھوڑ دے للہ اب او نا مسلماں چھوڑ دے
ہو نہ راز عشق افشا آبرو ریزی نہ ہوپھوٹ بہنا تو اگر اے چشم گریاں چھوڑ دے
طوق پھینکیں گے گلے میں مثل قمری سیکڑوںنازکی رفتار و سرو خراماں چھوڑ دے
حسن کا جویا ہوں مدت سے میں دیوانہ مزاجمجھ کو پریوں کے اکھاڑے میں سلیماں چھوڑ دے
یوں بھلائی دل سے یاد مصحف رخسار رندؔحفظ کر کے جس طرح سے کوئی قرآں چھوڑ دے
— رند لکھنوی
Dil-lagi ghairon se be-ja hai meri jaan chhod deMaan kehna tere sadqe tere qurban chhod de
Aashiq-e-jaan-baaz kyun kar koo-e-jaanaan chhod deApna aa ghar kis tarah sher-e-naistan chhod de
Ye nahin kehta ke sayyad ab mujhe azad karDo ghadi ko bahar-e-gulgasht-e-gulistan chhod de
Kaun kafir phir kare sajda Khuda ke samneKeh to baithe mujh se woh but apna imaan chhod de
Tang hoon daq hoon koi dam mein nikal jayega damChhod de dast-e-junoon mera gareban chhod de
Gair mumkin hai jo bhooloon ghar tera aye rashk-e-hoorMujh ko jannat mein agar le ja ke Rizwan chhod de
Ghamza-e-be-ja nahin uthte phoonka jaata hai dilGarmiyan apni tu aye mehr-e-darakhshan chhod de
Phir phansoon mein daam-e-gesu mein tu kafir jaaniyoChhod de lillah ab o na-musalman chhod de
Ho na raaz-e-ishq afsha aabroo-rezi na hoPhoot behna tu agar aye chashm-e-giryan chhod de
Tauq phenkain ge gale mein misl-e-qumri saikdonNazuki raftaar o sarv-e-kharaman chhod de
Husn ka joya hoon muddat se main deewana-mizajMujh ko pariyon ke akhade mein Sulaiman chhod de
Yun bhulayi dil se yaad-e-mushaf-e-rukhsar RindHifz kar ke jis tarah se koi Quran chhod de